Մասնակից:Gevorg Ghazaryan/Կոուդոր Սադանանդա Հեգդե
| Gevorg Ghazaryan/Կոուդոր Սադանանդա Հեգդե | |
Կոուդոր Սադանանդա Հեգդե (անգլ.՝ Kawdoor Sadananda Hegde, հինդի՝ के एस हेगड़े, ), հնդիկ պետական և քաղաքական գործիչ, 1977-1980 թվականների Հնդկաստանի խորհրդարանի ստորին պալատի՝ Լոկ սաբհայի խոսնակ[1]։
Կենսագրություն խմբագրել
Կոուդոր Սադանանդա Հեգդեն ծնվել է 1909 թվականի հունիսի 11-ին Նիտտեում, Բրիտանական Հնդկաստան։ Սկզբնական կրթությունը ստացել է հայրենի քաղաքում, որից հետո ուսումը շարունակել է Մանգալուրի Սուրբ Ալոսիոսի քոլեջում, Մադրասի կառավարական քոլեջում և Մադրիասի իրավաբանական քոլեջում։
1947 թվականից մինչև 1951 թվականը զբաղեցրել է վարչական պաշտոններ։ 1952 թվականից մինչև 1957 թվականը համարվել է հնդկական խորհրդարանի վերին պալատի՝ Ռաջյա սաբհայի անդամ։ 1957 թվականից մինչև 1966 թվականը եղել է Մայսուրի Գերագույն դատարանի դատավոր։ 1966 թվականից մինչև 1967 թվականը եղել է Դելի քաղաքի Գերագույն դատարանի և Հիմաչալ-Պրադեշ նահանգի Գերագույն դատարանի նախագահ։
1967 թվականին նշանակվել է Հնդկաստանի Գերագույն դատարանի դատավոր։ 1973 թվականին թոշակի է անցել, երբ նրա կրտսեր գործընկերներից մեկը նշանակվեց Հնդկաստանի գլխավոր դատավոր։
Այդ բանից հետո սկսել է ակտիվ մասնակցել երկրի հասարակաքաղաքական կյանքին։ 1977 թվականին Ջանատա կուսակցության կողմից հարավային Բանգալոր ընտրական շրջանից հետո ընտրվել է երկրի խորհրդարանի ստորին պալատ՝ Լոկ սաբհա։
1977 թվականից մինչև 1980 թվականը զբաղեցրել է Լոկ սաբհայի խոսնակի պաշտոնը։ Այդ պաշտոնում Ազգերի համագործակցության 23-րդ, 24-րդ և 25-րդ խորհրդարանական կոնֆերանսների ժամանակ գլխավորել է հնդկական խորհրդարանական պատվիրակությունները, որոնց անցկացվել են 1977 թվականի սեպտեմբերին Օտտավայում, 1978 թվականի սեպտեմբերի Քինգսթոնում և 1979 թվականի նոյեմբեր-դեկտեմբեր ամիսներին Վիլինգտոնում։ Հեգդեն նաև գլխավորել է 1978 թվականի սեպտեմբերին Բոննում անցկացված 65-րդ խորհրդարանական և 1979 թվականի սեպտեմբերին Կարակասում անցկացված 66-րդ Միջխորհրդարանական կոնֆերանսներում հնդկական խորհրդարանական պատվիրակությունները։
1979 թվականին ստեղծել է Նիտտեի կրթության ֆոնդը, որը նախատեսված է եղել իր հայրենի քաղաքում միջնակարգ դպրոցի զարգացմանը։
Կոուդոր Սադանանդա Հեգդեն մահացել է 1990 թվականի մայիսի 24-ին Մանգալորում՝ 80 տարեկան հասակում[2]։
Ծանոթագրություններ խմբագրել
- ↑ «Birth Centenary Celebrations of Late K S Hegde at Nitte». Daijiworld Media. 2008-06-14. Վերցված է 2008-11-02-ին.
- ↑ "Obituary". The Indian Express. 26 May 1990. Retrieved 6 February 2018.
Արտաքին հղումներ խմբագրել
Կատեգորիա:Հնդկաստանի քաղաքական գործիչներ Կատեգորիա:Հնդկական ազգային կոնգրեսի անդամներ Կատեգորիա:Հնդիկ ակտիվիստներ Կատեգորիա:20-րդ դարի քաղաքական գործիչներ Կատեգորիա:Հնդկաստանի դատավորներ Կատեգորիա:Լոկ սաբհայի խոսնակներ Կատեգորիա:Նախագահական համալսարանի շրջանավարտներ Կատեգորիա:Հնդիկ պետական գործիչներ