Մասնակից:Gevorg Ghazaryan/Դակի Իորդանով

Դակի Իորդանով (բուլղար․՝ Даки Йорданов Вичев, ), բուլղար բուսաբան և դասախոս, Բուլղարիայի գիտությունների ակադեմիայի անդամ (1947-78)^[1]:

Կենսագրություն խմբագրել

Դակի Իորդանովը ծնվել է 1893 թվականի սեպտեմբերի 14-ին Օմուրտագում, Տարգովիշտեի մարզ՝ բազմազավակ և աղքատ ընտանիքում: Տարրական կրթություն է ստացել հայրենի քաղաքում, որից հետո ավարտել է Շումենի հողագործական ուսումնարանը: 1914 թվականին ավարտել է Շումենի գիմնազիան:

1921 թվականին ավարտել է Սոֆիայի համալսարանը՝ ֆլորայի թեմայով հաջող հանձնելով դիպլոմային աշխատանքը և այնտեղ է աշխատել մինչև 1962 թվականը: 1922 թվականից Սոֆիայի համալսարանի կենսաբանական ֆակուլտետում օգնական է եղել: 1923 թվականին դարձել է Բուլղարիայի բուսաբանական ընկերության անդամ-հիմնադիր: 1939 թվականին ընտրվել է դոցենտ, 1945 թվականին՝ պրոֆեսոր, իսկ 1947 թվականին ընտրվել է Բուլղարիայի գիտությունների ակադեմիայի ակադեմիկոս: 1948 թվականից մինչև 1950 թվականը եղել է Սոֆիայի համալսարանի ֆիզիկա-մաթեմատիկական ֆակուլտետի դեկան, 1950 թվականից մինչև 1962 թվականը զբաղեցրել է ռեկտորի տեղակալի, ռեկտորի և պրոֆեսորի պաշտոնները՝ միաժամանակ 1957 թվականից մինչև 1962 թվականը լինելով բույսերի դասակարգման ամբիոնի վարիչ: 1962 թվականից մինչև 1974 թվականը եղել է Բուլղարիայի գիտությունների ակադեմիայի Բուսաբանական այգու և Բուսաբանության ինստիտուտի տնօրեն:

Դակի Իորդանովը մահացել է 1978 թվականի ապրիլի 5-ին Սոֆիայում՝ 84 տարեկան հասակում:

Գիտական աշխատանքեր խմբագրել

Ակադեմիկոսի հիմնական գիտական աշխատանքները նվիրված են եղել Բուլղարիայի և Բալկանյան թերակղզու այլ երկրների բարձրագույն բույսերի դասակարգմանը, ֆլորիստիկային, բուսաբաշխաբանությանը, էկոլոգիային և աշխարհագրությանը:

Դակի Իորդանովը մեծ նշանակություն էր հատկացնում կիրառական բուսաբանությանը:
Եղել է բազմահատոր աշխատության պատասխանատու խմբագիր՝ Բուլղարիայի ֆլորա:

Հիշատակ խմբագրել

Դակի Իորդանովի պատվին Բալչիկում և Վառնայում անվանված են Ակադեմիկոս Դակի Իորդանովի փողոցները^[2]:
Դակի Իորդանովի հայրենի քաղաքում, Օմուրտագում, հիմնադրվել է պրոգիմնազիա, որին տրվել է ակադեմիկոսի անունը:

Անդամակցությունը հասարակություններին խմբագրել

Բուլղարիայի բուսաբանական հասարակության հիմնադիր-անդամ:
Կենսաբանության ազգային կոմիտեի նախագահ:

Մրցանակներ խմբագրել

1950 թվականին դարձել է Բուլղարիայի Ժողովրդական Հանրապետության Դիմիտրովյան մրցանակի դափնեկիր:
1973 թվականին արժանացել է Բուլղարիայի Ժողովրդական Հանրապետության Սոցիալիստական աշխատանքի հերոսի կոչմանը:

Ծանոթագրություններ խմբագրել

↑ «Акад. Даки Йорданов – 125 години от рождението му и 40 години от смъртта му» (բուլղարերեն). bio.bas.bg. 10 септември 2018 г. {{cite web}}: Cite has empty unknown parameter: |цитат= (օգնություն); no-break space character in |title= at position 20 (օգնություն)
↑ Местоположение в „Wikimapia“

Գրականություն խմբագրել

1984 - Биологи. Биографический справочник
Jordanow, Daki. In: Taschenlexikon Bulgarien, Bibliographisches Institut Leipzig 1983, Seite 87.

Կատեգորիա:Բուլղարիայի գիտությունների ակադեմիայի անդամներ Կատեգորիա:Բուլղարացի գիտնականներ Կատեգորիա:Բուլղարացի բուսաբաններ Կատեգորիա:Դիմիտրովյան մրցանակի դափնեկիրներ Կատեգորիա:Սոցիալիստական աշխատանքի հերոսներ Կատեգորիա:Սոֆիայի համալսարանի շրջանավարտներ

[bio.bas.bg-1] «Акад. Даки Йорданов – 125 години от рождението му и 40 години от смъртта му» (բուլղարերեն). bio.bas.bg. 10 септември 2018 г. {{cite web}}: Cite has empty unknown parameter: |цитат= (օգնություն); no-break space character in |title= at position 20 (օգնություն)

[2] Местоположение в „Wikimapia“

[1]

[2]