Մաթիլդ Մանուկյան

Մաթիլդ Մանուկյան;
Ծնվել է	1914
Ծննդավայր	Կոստանդնուպոլիս
Մահացել է	փետրվարի 17, 2001
Մահվան վայր	Ստամբուլ, Թուրքիա
Գերեզման	Շիշլիի գերեզմանատուն
Քաղաքացիություն	Թուրքիա
Մայրենի լեզու	թուրքերեն
Կրթություն	Նոտր դամ դը Սիոն դպրոց
Մասնագիտություն	գործարար
	Matild Manukyan Վիքիպահեստում

Մաթիլդ Մանուկյան (Մաթիլտ Մանուկեան, 1914, Կոստանդնուպոլիս - փետրվարի 17, 2001(2001-02-17), Ստամբուլ, Թուրքիա), հայկական ծագմամբ կին գործարար։ Թուրքիայում 20-րդ դարի ամենաազդեցիկ կին գործարարներից։ Անշարժ գույքի ներդրող, հասարակաց տների սեփականատեր։

Կենսագրություն խմբագրել

Մաթիլդ Մանուկյանը ծնվել է 1914 թվականին Ստամբուլում ազնվական ընտանիքում։ Ստամբուլի ֆրանսալեզու Notre Dame de Sion լիցեյում սովորելուց հետո^[1] Ստամբուլում բացում է նորաձևության արտադրամաս։ Ամուսնու մահից հետո որդու հետ միայնակ են ապրում։ Ֆինանսական դժվարությունների պատճառով հորից ժառանգած շինությունները Ստամբուլի Քարաքոյ շրջանի կարմիր լապտերների թաղամասում սկսել է գործարկել որպես հասարակաց տներ և շուտով դարձել է լիցենզավորված 14 հասարակական տների սեփականատեր։ Նրան մեղադրել են անչափահասներին մարմնավաճառության մեջ ներքաշելու համար։

Սեքս-ինդուստրիայից ստացած եկամուտները Մաթիլդը ներդնում է անշարժ գույքի բիզնեսում։ Հինգ տարի շարունակ Մաթիլդը գլխավորել է Ստամբուլի հարկատուների ցուցակը, վճարած հարկերի չափով ռեկորդ է սահմանել ու ստացել մրցանակներ։ Իր ձեռքբերումներն ու մրցանակները նա ցուցադրել է Շիշլիի իր առանձնատանը, որը նա անվանել է «Մ և Մ թանգարան»։

Հարցազրույցներից մեկում Մաթիլդն ասել է, որ Ստամբուլում ունի 70 բիզնես կենտրոն, 500 բնակարան, 200 բնակարան Յալովայում, 3 հինգ աստղանի հյուրանոց Անթալիայում և Ալանիայում, 10 վիլա Կիրենիայում, գործարան Ստամբուլում։ Նշել է նաև, որ Գերմանիայում կառուցում է 100 տեղանոց հյուրանոց^[2]։ Ունեցել է նաև մեկ Ռոյլս ռոյս, 4 BMW, 4 Mercedes մակնիշի մեքենաներ, 18 մ երկարությամբ զբոսանավ։

1995 թվականի սեպտեմբերի 28-ին Մաթիլդ Մանուկյանը հրազենային հարձակման ժամանակ լրջորեն վիրավորել է ձախ ոտքը։

Մահացել է Ստամբուլում 2001 թվականի փետրվարի 17-ին։ Թաղված է Շիշլիի հայկական գերեզմանատանը։

Միակ ժառանգը Քերոբ Չիլինգիրն է, ով մեծացել է ԱՄՆ-ում^[3]։

Ծանոթագրություններ խմբագրել

↑ Biyografi.net (թուրքերեն)
↑ Aktif Haber February 5, 2006 Արխիվացված Փետրվար 10, 2006 Wayback Machine (թուրքերեն)
↑ Մաթիլդ Մանուկյան` Թուրքիայում 20-րդ դարի ամենաազդեցիկ կին գործարարներից մեկը

Արտաքին հղումներ խմբագրել

Վիքիպահեստն ունի նյութեր, որոնք վերաբերում են «Մաթիլդ Մանուկյան» հոդվածին։

[1] Biyografi.net (թուրքերեն)

[2] Aktif Haber February 5, 2006 Արխիվացված Փետրվար 10, 2006 Wayback Machine (թուրքերեն)

[3] Մաթիլդ Մանուկյան` Թուրքիայում 20-րդ դարի ամենաազդեցիկ կին գործարարներից մեկը

[1]

[2]

[3]