Ղևոնդ Մելքումյան

Ղևոնդ Տեր-Գևորգի Մելքումյան (անհայտ - 1914 թ. կամ 1915 թ.), հայ ֆիդայի։ Ծնվել է Բրաջուր գյուղում։ Ավարտել է Գանձակի գիմնազիան։ 1905 թ.-ին անդամագրվել է ՀՅԴ կուսակցությանը։ 1907 թ.-ի օգոստոսին Շակաշենում (Ելենդորֆ) Մովսես Ստեփանյանի հետ սպանել է մեծահարուստ գինեգործ Գուրային։ 1907 թ.-ին ձերբակալվել է և աքսորվել Սիբիր։ Աքսորի վայրից փախել է Իրան, որտեղ մասնակցել է Իրանի սահմանադրական հեղափոխությանը։ 1914 թ.-ին կամ 1915 թ.-ին թունավորվել է սիրած աղջկա կողմից։ Հուղարկավորված է Իրանի Բանդարե Անզալի քաղաքի հայկական եկեղեցու բակում։

Ղևոնդ Մելքումյան
Ծնվել է	անհայտ
Ծննդավայր	Բրաջուր, Ելիզավետպոլի գավառ, Ելիզավետպոլի նահանգ, Կովկասի փոխարքայություն, Ռուսական կայսրություն
Մահացել է	1914 կամ 1915
Մահվան վայր	Բանդարե Անզալի, Գիլան, Իրան
Ազգություն	Հայ
Մասնագիտություն	ֆիդայի

1915 թ.-ին Բրաջուր գյուղում Ղևոնդ Մելքումյանի հիշատակին կառուցվել է հուշաղբյուր և տնկվել է չինարի ծառ։

Գրականություն

• Սերգեյ Երեմյանց, «Գանձակ 1880-1916», Երևան 2009 թ.։ (ռուս.)