Ձենով Օհան

Ձենով Օհան, «Սասնա ծռեր» ժողովրդական էպոսի գլխավոր հերոսներից։ Սանասարի երեք որդիներից մեկը, Մեծ Մհերի եղբայրը, Դավթի հորեղբայրը։ Օժտված էր բացառիկ հզոր ձայնով, որից և՝ նրա անվան մակդիրը։ Էպոսում, հատկապես Դավթի և Փոքր Մհերի ճյուղերում, Ձենով Օհանը հանդես է գալիս իբրև Սասնա դյուցազնական տան նահապետ, որբացած Դավթի և նրա որդի Փոքր Մհերի խնամակալը, օգնականն ու խորհրդատուն։ Որոշ պատումներում Ձենով Օհանին ամբողջապես կամ մասնակիորեն փոխարինում է Քեռի Թորոսը։ Փոխաբերական առումով Ձենով Օհան են կոչում բարձրաձայն խոսողներին։

Տես նաև

• Սասունցի Դավիթ
• Սասնա ծռեր

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 695)։