Հովհաննես Մինաս
Հովհաննես Մինաս (հոլ.՝ Johannes de Minas, նաև Johannes di Minas) (ծն. թ. անհայտ, Ամասիա-1768, հունվարի 23, Ամստերդամ), հայ հոգևորական Նիդերլանդներում։
| Հովհաննես Մինաս | |
|---|---|
| Ծնվել է | անհայտ |
| Մահացել է | 1768 |
| Մահվան վայր | Ամստերդամ, Հոլանդիա, Միացյալ պրովինցիաների հանրապետություն |
| Մասնագիտություն | քահանա |
1733 թվականին Օսմանյան կայսրությունից տեղափոխվել է Նիդերլանդներ, իսկ 1734 թվականից մինչև մահը՝ 1768 թվականը, եղել է Ամստերդամի հայկական եկեղեցու քահանա (եկեղեցին բացվել է 1714 թ. և ծառայում էր Ամստերդամի հայկական համայնքին)։
Հովհաննես Մինասը բնակվում էր Կոնինգստրատ փողոցի 27 հասցեում, որտեղ դեռևս պահպանվում է նրա անունը կրող հայերեն հուշաքար[1]։ Նրա միջոցներով է նաև 1749 թ. ստեղծվել հայկական եկեղեցու հուշաքարը[2]։
Մահվանից հետո աճյունը ամփոփվել է Աուդեկերկ եկեղեցու գերեզմանատանը (տապանաքար հ.444)[3]։ 2008 թ. հունվարի 20-ին այս եկեղեցում կատարվել է նրա հիշատակին նվիրված արարողություն։ Նույն տարի հոլանդացի պատմաբաններ Ռընեյ Բեկիուսը և Վաութ Ուլթեյը հրատարակել են «Ամստերդամի Աուդեկերկի 1661-1808 թթ. հայկական գերեզմանները» գիրքը[4]։
Ծանոթագրություններ խմբագրել
- ↑ Հենկ Օլդեման, Կրոմ Բոմսլոթի հայկական եկեղեցին Արխիվացված 2016-03-11 Wayback Machine, «Օպնիեյու» ամսաթերթ, 2011 թ., մարտ։ (Հոլանդերեն)
- ↑ Ռընեյ Բեկիուս, Նիդերլանդների հայ համայնքը դարերի ընթացքում (անգլերեն)
- ↑ Աուդեկերկ եկեղեցու կայք, «Ամսվա շիրիմը - 2008 թ. մայիս»(չաշխատող հղում) (Հոլանդերեն)
- ↑ [Նիդերլանդների պատմության թվային մատենագրություն http://www.dbng.nl/results_save.asp?startRecord=1&maximumRecords=10&frmQuery=pica.rel%3D068207166&sortKeys=http:&grouping=&stylesheet=longTitlePresentation.xslt&addHistory=&tab=title(չաշխատող հղում)]