Հետարտադրություն

Հետարտադրություն (ժարգ. փոստ փրադաքշն, անգլ.՝ post- - հետո, անգլ.՝ production - արտադրություն), կինոնկարի էպիզոդների նկարահանումից հետո տեսանյութի մշակման ժամանակաշրջանը, համակարգչային օբյեկտների նախապատրաստումը և ստեղծումը, խմբագրումը, մոնտաժը, ձայնավորումը և կինոնյութի մշակումը։

Հետարտադրության փուլերն են՝

• նկարահանված նյութի երևակում և քիմիական մշակում,
• պատկերի համաժամանակյա փոխակերպումը թվային նիշքերի,
• կինոնկարի թվային ֆորմատով համակարգիչ բեռնումը, հետագա գունային մշակման և մոնտաժի համար,
• նկարահանված նյութի փոփոխելը ըստ ռեժիսորի հանձնարարությունների, նաև կինոնյութի համակցումը համակարգչային կայուն և շարժական պատկերների հետ,
• պատրաստի կինոնյութի համաժամանակյա ձայնավորում, ֆոնային ձայների և աղմուկների ավելացում,
• կինոնկարի վերջնական մոնտաժ (թվային ֆորմատով),
• տելեսայն (անգլ.՝ telecine), պատրաստի կինոնկարի գույների ուղղում,
• պատրաստի կինոնկարի համաժամանակյա տեղափոխում կինոժապավենի վրա։