Հարութ Սասունյան

Հարություն Մանուգ Սասունյան (ավելի հայտնի որպես Հարութ Սասունյան, սեպտեմբերի 26, 1950(1950-09-26), Հալեպ, Սիրիա), ամերիկահայ գրող, հասարակական ակտիվիստ, «Կալիֆոռնիա Կուրիեր» (անգլ.՝ The California Courier) թերթի գլխավոր խմբագիր և հրատարակիչ։

Հարութ Սասունյան
Ծնվել է	սեպտեմբերի 26, 1950(1950-09-26) (73 տարեկան)
Ծննդավայր	Հալեպ, Սիրիա
Քաղաքացիություն	Սիրիա և  ԱՄՆ
Կրթություն	Կոլումբիայի համալսարան (1975), Կոլումբիայի համալսարանի Միջազգային և հանրային հարաբերությունների դպրոց (1975) և Պեպերդայնի համալսարան (1977)
Մասնագիտություն	գրող, editorial columnist, ակտիվիստ և համայնքի ղեկավար
Աշխատավայր	Կալիֆոռնիա Կուրիեր, ՄՀՖ / MHF և Procter & Gamble
Զբաղեցրած պաշտոններ	գլխավոր խմբագիր
Պարգևներ և մրցանակներ	և
Harut Sassounian Վիքիպահեստում

Կրթություն

Ստացել է միջազգային հարաբերությունների մագիստրոսի աստիճան Կոլումբիայի համալսարանում և գործարար կառավարման մագիստրոսի աստիճան Պեպերդայնի համալսարանում։

Աշխատանքային գործունեությունը

• 1978-1982 թթ. աշխատել է «Procter and Gamble» ընկերության Ժնևի ներկայացուցչությունում որպես միջազգային մարքեթինգի գործադիր պատասխանատու։
• 10 տարի հանդիսացել է ՄԱԿ Ժնևի գրասենյակում հասարակական պատվիրակ մարդու իրավունքների հարցերով։
• 1983 թ. Գլենդելում հիմնել և ցայսօր հրատարակում է «Կալիֆորնիա կուրիեր» հայկական անգլալեզու թերթը, որը հայտնի է Սասունյանի շաբաթական հեղինակային սյունակով։
• 1989 թ. հիմնադրել և ղեկավարում է Միացյալ հայկական հիմնադրամը, որը Հայաստանում իրականացրել է 650 միլիոն ԱՄՆ դոլարի ծրագրեր։
• 1997-2008 թթ. հանդիսացել է «Լինսի» հիմնադրամի փոխնախագահ և վերահսկել է Հայաստանում ենթակառուցվածքների բարելավման ծրագրի իրականացումը՝ 240 միլիոն ԱՄՆ դոլար արժողությամբ և դպրոցաշինության ծրագրերի իրականացումը՝ 60 միլիոն ԱՄՆ դոլար արժողությամբ։

Հասարակական գործունեությունը

• Իրականացնում է լոբբինգ հօգուտ ԱՄՆ կողմից Հայոց Մեծ ցեղասպանության ճանաչման, մասնավորապես, դիմել է ԱՄՆ նախկին պետական քարտուղարներ Մադլեն Օլբրայթին և Ուիլյամ Կոենին՝ կոչ անելով նրանց ետ վերցնել իրենց ստորագրությունը չընդդիմանալ Կոնգրեսի կողմից համապատասխան բանաձևի ընդունմանը։
• Ունեցել է առանցքային դեր 1985 թ. ՄԱԿ կողմից Հայոց Մեծ ցեղասպանության ճանաչման գործում։

Աշխատությունները

• Նրա վերջին գիրքը՝ «Հայոց ցեղասպանություն. խոսում է աշխարհը։ 1915-2005, փաստաթղթեր և հռչակագրեր» (The Armenian Genocide։ The World Speaks Out, 1915-2005, Documents & Declarations) հրատարակվել է 2005 թ. ապրիլին։ Այն թարգմանվել է ֆրանսերեն, իսպաներեն, ռուսերեն, հայերեն, արաբերեն և թուրքերեն։

Պարգևներ

• Անանիա Շիրակացու մեդալ
• «Հայրենիքին մատուցած ծառայությունների համար» 1-ին աստիճանի մեդալ (2008)
• Հայաստանի ժուռնալիստների միության «Ոսկե գրիչ» մրցանակ, 2016

Ծանոթագրություններ

Վիքիպահեստն ունի նյութեր, որոնք վերաբերում են «Հարութ Սասունյան» հոդվածին։