Հայրիկ, դու խենթ ես

Հայրիկ, դու խենթ ես; անգլ.՝ Father you are crazy
Հեղինակ	Վիլյամ Սարոյան
Տեսակ	գիրք
Ժանր	վիպակ
Բնօրինակ լեզու	անգլերեն
Էջեր	216
Հրատարակումներ կամ թարգմանություններ	Հայրիկ, դու խենթ ես
Երկիր	ԱՄՆ
Հրատարակված է	1957

«Հայրիկ, դու խենթ ես», ամերիկահայ գրող Վիլյամ Սարոյանի 1957 թվականին գրած վիպակը։

Պատմություն խմբագրել

Վիլյամ Սարոյանի «Հայրիկ, դու խենթ ես» վիպակը հոր և որդու զրույց է։ Այն Սարոյանի գրական ժառանգության լավագույն նմուշներից է։ Վիպակում հոր և որդու զրույցների միջոցով բացահայտվում է կյանքի՝ սարոյանական մոտեցումը։

Վիլյամ Սարոյանը գիրքը նվիրել է որդուն՝ Արամ Սարոյանին։ Առաջաբանում հեղինակը գրում է․

Ես վճռեցի գրել այս գիրքը, որովհետև 1953-ին, երբ տասը տարեկան էիր, դու՛ խնդրեցիր ինձ, և որովհետև 1918-ին, երբ ես ինքս էի տասը տարեկան, իմ գրողական հմտությունը հավասարազոր չէր այն ամենին, ինչ որ կուզենայի ասել։ Հիմա, վերջապես, գրեցի գիրքս, կամ ավելի ճիշտ՝ հենց դու էլ գրեցիր։

Գիրքը վերահրատարակվել է 2018 թվականին «Անտարես» հրատարակչության կողմից։ Անգլերենից հայերեն թարգմանությունը կատարել է Զավեն Բոյաջյանը։ Թարգմանչի խոսքով՝ այս գործը խորհրդանշական արժեք ունի՝ ամփոփելով սարոյանական արձակի ամենաէական հատկանիշներն ու անշփոթելի յուրօրինակությունը․ «Բովանդակային խորքով և ոճական կատարելությամբ «Հայրիկը» պարզապես մոգական տեքստ է՝ իմաստուն ու զուլալ։ Սա իրոք սեղանի գիրք է, որովհետև ձգտում է մեկնել կյանքի, աշխարհի, մարդու բնույթի էութենական գաղտնիքներն առակի, առասպելի, արքետիպային պարզ, բայց և մշակութաբանորեն խիստ հագեցած ու բազմաշերտ հասկացությունների լեզվով»^[1]։

Տես նաև խմբագրել

Ծանոթագրություններ խմբագրել

↑ ««Հայրիկ, դու խենթ ես»՝ Սարոյանի իմաստուն ու զուլալ վիպակը». mediamax.am. Վերցված է 2020 թ․ նոյեմբերի 19-ին.

Արտաքին հղումներ խմբագրել

[1] ««Հայրիկ, դու խենթ ես»՝ Սարոյանի իմաստուն ու զուլալ վիպակը». mediamax.am. Վերցված է 2020 թ․ նոյեմբերի 19-ին.

[1]