| Համստերներ |
|---|
|
| |
| Գիտական դասակարգում |
|---|
| Թագավորություն
|
Կենդանիներ
| | Տիպ
|
Քորդավորներ
| | Դաս
|
Կաթնասուններ
| | Կարգ
|
Կրծողներ
| | Ընտանիք
|
Համստերանմաններ
| | Ենթաընտանիք
|
Համստերներ
|
|
| Լատիներեն անվանում |
|---|
Cricetinae
Fischer-Waldheim, 1817
|
|
|
Համստերներ (լատին․՝ Cricetinae), համստերանմանների ընտանիքի կրծողների ենթաընտանիք։ Հայաստանում հանդիպում է 2 տեսակ. մոխրագույն համստերիկի (Cricetulus migratorius) մարմինը մոխրագույն է, երկարությունը 12,5 սմ։ Տարածված է բոլոր գոտիներում։ Հանդիպում է բնակավայրերում և բնության մեջ։ Ունի հետայտային պարկեր, որոնց միջոցով հատիկային կերերը տեղափոխում և կուտակում է բներում։ Վարում է միայնակ կյանք։ Ակտիվ է գիշերը։ Մեծ վնաս է հասցնում գյուղատնտեսությանը։ Տարածում է ժանտախտի, տուլարեմիայի հարուցիչներ։ Փոքրասիական համստերի (Mesocricetus brandti) մարմնի երկարությունը մինչև 15 սմ է։ Աչքերը փոքր են, ականջները՝ երկար։ Տարածված է Հայաստանի Շիրակի, Լոռու, Կոտայքի, Գեղարքունիքի և այլ մարզերի մարգագետիններում, ցանքատարածություններում։ Ակտիվ է առավոտյան և մթնշաղին։ Սնվում է խոտաբույսերով, սերմերով, վնասում է ցանքսերը։
Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|
| Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 119)։
|
