ՀԱՊՀ Երևանի ավագ դպրոց

Պոլիտեխնիկ ավագ դպրոց;
Տեսակ	դպրոց
Նախկին անվանումներ	ՀՊՃՀ հենակետային վարժարան
Կարգախոս	Կատարելության մեր ուղղին
Հիմնադրված է	1994
Տնօրեն	Ալֆրեդ Պետրոսյան
Աշակերտներ	650
Դասարաններ	10-12
Երկիր	Հայաստան
Տեղագրություն	Երևան
Հասցե	Տերյան 105, Երևան, Հայաստան
Կայք	phs.am

Հայաստանի ազգային պոլիտեխնիկական համալսարանի (ՀԱՊՀ) Երևանի ավագ դպրոց (նախկին՝ ՀՊՃՀ հենակետային վարժարանը), միջնակարգ կրթության երրորդ աստիճանի (ավագ դպրոցի) հանրակրթական ծրագրեր իրականացնող կրթական հաստատություն։

Պատմություն խմբագրել

Հայաստանի ազգային պոլիտեխնիկական համալսարանի Երևանի ավագ դպրոցը (նախկին՝ ՀՊՃՀ հենակետային վարժարանը) գործում է 1994 թվականից։ Նախապես եղել է ՀՀ ԿԳՆ ենթակայության հանրակրթական ուսումնական հաստատություն, իսկ 2011 թվականին, ՀՀ Կառավարության որոշմամբ, հենակետային վարժարանը վերակազմավորվել է՝ միավորվելով ՀՊՃՀ-ին։ Ներկայումս ՀԱՊՀ Երևանի ավագ դպրոցում սովորում է 655 աշակերտ։ Դպրոցում իրականցվում է բնագիտամաթեմատիկական և տեխնիկական ուղղություններով խորացված հոսքային ուսուցում։ Մասնավորապես, դպրոցում գործում են հետևյալ հոսքերը՝

ֆիզիկամաթեմատիկական,
տեխնոլոգիական,
տնտեսագիտական,
դիզայներական

Վերջիններիս նպատակն է սովորողների մոտ ձևավորել պատկերացումներ բնագիտամաթեմատիկական և տեխնիկական մասնագիտությունների վերաբերյալ և լրացուցիչ ծրագրերի իրականացման միջոցով պատրաստել համապատասխան նախնական գիտելիքներով բարձրագույն մասնագիտական կրթություն ստանալու կողմնորոշմամբ շրջանավարտներ՝ Պոլիտեխնիկական համալսարանում կրթությունը շարունակելու ակնկալիքով։

Կրթական ծրագիր խմբագրել

Պոլիտեխնիկ ավագ դպրոցը իրականացնում է միջնակարգ կրթության երրորդ աստիճանի հանրակրթական ծրագրեր։ Ծրագրերը ներառում են հոսքային և առանձին առարկաների խորացված ուսուցում։

Ուսումնական պլաններ խմբագրել

Պոլիտեխնիկ ավագ դպրոցի ամեն հոսքն ունի իր առանձին ուսումնական պլանը, որը կազմված է հիմնական և խորացված ուսուցման առարկաներից.

ֆիզիկամաթեմատիկական հոսքի ուս. պլան,
ինժեներական հոսքի ուս. պլան,
տնտեսագիտական հոսքի ուս. պլան,
դիզայներական հոսքի ուս. պլան

Յուրաքանչյուր ուսումնական տարվա ավարտին իրականացվում է սովորողների գիտելիքների, կարողությունների և հմտությունների՝ հանրակրթության պետական չափորոշչի և առարկայական չափորոշիչների պահանջներին համապատասխանության ստուգում՝ փոխադրական քննություններ։

Խմբակներ խմբագրել

Դպրոցում գործում են մաթեմատիկայի, ֆիզիկայի և աստղագիտության օլիմպիական, ինչպես նաև ինֆորմատիկայի և ռոբոտաշինության նախասիրական խմբակները։

Աշակերտներ խմբագրել

Աշակերտի նկարագիրը խմբագրել

Պոլիտեխնիկ ավագ դպրոցն ունի իր աշակերտի նկարագիրը, որն ներառում է կարողությունների և հմտությունների հինգ կետ.

Փնտրել գիտելիք և իմացություն,
Տրամաբանել, վերլուծել, մեկնաբանել, ներկայացնել և լուծել,
Արդյունավետ հաղորդակցվել և համագործակցել,
Հմտորեն կիրառել կարողությունները և ցուցադրել ունեցած անձնական հատկությունները,
Ներգրավվել և մրցել գլոբալ միջավայրում։

Ձեռքբերումներ խմբագրել

ՀԱՊՀ Երևանի ավագ դպրոցի աշակերտները բազմիցս մասնակցել են առարկայական Համաշխարհային օլիմպիադաներին։ Սկսած 2001 թվականից մինչ այժմ մասնակցել են 13 աշակերտներ։ Նրանցից 5-ը արժանացել են մեդալների, իսկ 3-ը՝ գովասանագրերի։ Մասնակիցների արդյունքները բերված են աղյուսակում։

հ/հ	Տարի	Մասնակից	Օլիմպիադա	Մեդալ/գովասանագիր
1	2001	Հակոբյան Ռուբեն	Ինֆորմատիկայի միջազգային օլիմպիադա
2	2004	Գուլյան Վահե	Ինֆորմատիկայի միջազգային օլիմպիադա
3	2006	Սլոյան Տիգրան	Մաթեմատիկայի միջազգային օլիմպիադա	Արծաթե մեդալ
4	2007	Սլոյան Տիգրան	Մաթեմատիկայի միջազգային օլիմպիադա	Արծաթե մեդալ
5	2007	Դարբինյան Արթուր	Մաթեմատիկայի միջազգային օլիմպիադա	Գովասանագիր
6	2007	Հովհաննիսյան Էմմա	Մաթեմատիկայի միջազգային օլիմպիադա	Գովասանագիր
7	2008	Առաքելյան Դավիթ	Մաթեմատիկայի միջազգային օլիմպիադա	Գովասանագիր
8	2008	Դարբինյան Արթուր	Մաթեմատիկայի միջազգային օլիմպիադա
9	2009	Թորոսյան Արփինե	Կենսաբանության միջազգային օլիմպիադա
10	2012	Վասիլյան Արսեն	Աստղագիտության միջազգային օլիմպիադա	Արծաթե մեդալ
11	2013	Վասիլյան Արսեն	Աստղագիտության միջազգային օլիմպիադա	Բրոնզե մեդալ
12	2013	Վասիլյան Արսեն	Ֆիզիկայի միջազգային օլիմպիադա	Բրոնզե մեդալ
13	2014	Վասիլյան Արսեն	Ֆիզիկայի միջազգային օլիմպիադա	Արծաթե մեդալ

Շրջանավարտներ խմբագրել

Շրջանավարտներից շատերը ներգրավված են հանրապետության գիտության, արդյունաբերության և բարձր տեխնոլոգիաների ոլորտներում։ Նրանցից 60-ը ֆիզմաթ և տեխնիկական գիտությունների թեկնածուներ են։

Դպրոցի տնօրենները խմբագրել

Ալֆրեդ Վաղինակի Պետրոսյան՝ ֆիզիկա-մաթեմատիկական գիտությունների թեկնածու, դոցենտ, ավարտել է ԵՊՀ-ի ռադիոֆիզիկայի ֆակուլտետը։ Դպրոցի տնօրենն է 2019 թվականին։
Արման Հոմերոսի Առաքելյան՝ ֆիզիկա-մաթեմատիկական գիտությունների թեկնածու, դոցենտ, ավարտել է ՀԱՊՀ-ի կիրառական մաթեմատիկայի ֆակուլտետը։ Դպրոցի տնօրենն է 2015-2019 թվականներին։
Համլետ Անուշավանի Մարտիրոսյան՝ ֆիզիկա-մաթեմատիկական գիտությունների թեկնածու, դոցենտ, ավարտել է ԵՊՀ-ի մաթեմատիկայի ֆակուլտետը։ Դպրոցի հիմնադիր տնօրենն է 1994-2015 թվականներին։