Կումբիա
Կումբիա (իսպ.՝ Cumbia), կոլումբիական, երաժշտական և պարային ոճ[1]։ Չափ - 2/4 կամ 4/4։ Գույություն ունեն բազմաթիվ տարատեսակներ։ Կոլումբիական Կումբիա (Իսպ. cumbia colombiana), Պանամական (իսպ.՝ cumbia panameña), Մեքսիկական Կումբիա (իսպ.՝ cumbia mexicana) և այլն [2]։
Cumbia colombiana խմբագրել
Հաճախ Ատլանտիկայի Կոլումբիական ափերի երաժշտության ժողովրդական ոճ։ Տարածված է միայն՝ Ատլանտիկո, Բոլիվար, Սուքրե, Կորդովա և մասնավորապես Մագդալենա տարածաշրջաններում։ Հետագայում տվյալ պարաձևը՝ դանդաղ պարեղանակով և էրոտիկ մասնիկներով, տարածվեց ամբողջ Լատինական Ամերիկայում։ Կումբիան պարում էին ֆլեյտայի (իսպ.՝ gaita, caña de millo), մարակասների և տաբուրինների ուղեկցությամբ, հետագայում սկսեցին օգտագործել ակորդեոններ, կիթառներ և տարբեր հարվածային գործիքներ, նորագույն շրջանում շեփորներ, սաքսոֆոններ, կոնտրաբաս և էլեկտրաերաժշտական գործիքներ։ Բնօրինակում կումբիան հաճախ սկսվում է կոչով՝ օրինակ՝«Eta e la cumbia! Je!», իսկ կանայք իրենց ձեռքում պահում են այրող մոմեր [2]։
Պատմություն խմբագրել
Կումբիա անվանումն առաջացել է «cumbé» բառից կամ աֆրիկական լեզուներից մեկից թարգմանությամբ՝ «պար» բառից, մեկ այլ վարկածով աֆրիկական պարից [3][2]։ Պարերը և մեղեդին առաջացել են Կոլումբիայում և Պանամայում։ Ի սկզբանե կումբիան զվարճանքի միջոց էր աղքատների համար, բայց 1960-1970-ականներին մեծ հետաքրքրություն առաջացավ դեպի այս պարատեսակը, որը գրավեց ամբողջ Լատինական Ամերիկան, պարը մասնավորապես մեծ ճանաչում ձեռք բերեց Ռենե Վիլլառեալի «Կումբիան մեզ կապեց» (2007) ֆիլմի լույս տեսնելուց հետո։
Մեղեդի խմբագրել
Կումբիայի կատարման ժամանակ հիմնական գործիքավորումը կատարվում էր՝ աֆրիկյան թմբուկներով, տեղական փողային գործիքներով և գերմանական ակորդիոններով, բացի այդ երբեմն երաժշտությունը ուղեկցվում եր երգերով։ Կումբին իր ռիթմով, ոճով և պարային մասնիկների կառուցվածքով մոտ է սալսային։ Հանդես է գալիս ինչպես զուգապարային, այնպես էլ մենապարային տարբերակներով։
Ծանոթագրություններ խմբագրել
- ↑ Cordelia Candelaria, Peter J. García, Arturo J. Aldama Encyclopedia of Latino Popular Culture. — Greenwood Publishing Group, 2004.
- ↑ 2,0 2,1 2,2 Ludwig, 2001, s. 219 — 220
- ↑ Griego, 2002
Արտաքին հղումներ խմբագրել
- Darío Blanco Arboleda (30.03.2012). «Cumbia — Grenzwelten einer Subkultur» (գերմաներեն). Norient. Արխիվացված օրիգինալից 2013 թ․ մարտի 13-ին. Վերցված է 2013 թ․ հունվարի 30-ին.
Գրականություն խմբագրել
- Egon Ludwig Música Latinoamericana / Lexikon der lateinamerikanischen Volks- und Populärmusik. — Lexikon-Imprint-Verlag, Berlin, ISBN 3896022822, 2001. — 710 с.
- Birkenstock A. Blumenstock E. Salsa, Samba, Santeria. Latinoamerikanische Musik. — Deutscher Taschenbuch Verlag ISBN 3-423-24341-4, 2003. — 338 с.
- Antonio García de León Griego. El Mar de Los Deseos. El Caribe Hispano Musical. Historia y Contrapunto.. — Siglo XXI. ISBN 968-23-2362-2, 2002. — 244 с.