Կիմ Գաբրիելյան
Կիմ Եղիշեի Գաբրիելյան (սեպտեմբերի 8, 1960, Ղլիժբաղ, Ասկերանի շրջան, ԼՂԻՄ, ԽՍՀՄ), բանաստեղծ, արձակագիր, մանկագիր, երգիծաբան, լրագրող, հրապարակախոս[1][2]։ Արցախի ժուռնալիստների միության հիմնադիրներից է, միության վարչության նախագահը հիմնադրման օրվանից (2001)։ Խորհրդային Միության (1988 թ․), Արցախի Հանրապետության (1994 թ․) և Հայաստանի (2009 թ․) գրողների միությունների անդամ, արդարադատության երրորդ դասի խորհրդական է (2000 թ․), բանասիրական գիտությունների թեկնածու (2011 թ․):
Կիմ Գաբրիելյան | |
|---|---|
| Ծննդավայր | Ղլիժբաղ, ԼՂԻՄ |
| Մասնագիտություն | գրող |
| Ազգություն | Հայ |
| Քաղաքացիություն |  ԽՍՀՄ  Արցախ |
| Կրթություն | Ստեփանակերտի պե-տական մանկավար-ժական ինստիտուտ |
| Անդամակցություն | Հայաստանի և Արցախի գրողների միություններ, Արցախի ժուռնալիստների միություն |
| Կիմ Գաբրիելյան Վիքիքաղվածքում | |
| Կիմ Գաբրիելյան Վիքիդարանում | |
Կենսագրություն խմբագրել
Ավարտել է Ստեփանակերտի պետական մանկավարժական ինստիտուտի բանասիրական ֆակուլտետը (1985)։
Աշխատել է որպես Ասկերանի շրջանային «Կարմիր դրոշ» թերթի թղթակից (1982-1983), Լեռնային Ղարաբաղի ինքնավար մարզի գրողների մարզային բաժանմունքի գրական խորհրդատու (1983-1988), Լեռնային Ղարաբաղի ինքնավար մարզի մարզային ռադիոյի լուրերի բաժնի լրագրող, այնուհետև` գրական-երաժշտական բաժնի վարիչ (1988-1990), «Արցախ» գրական-գեղարվեստական հանդեսի (1990-1992 թթ.), «Եղիցի լույս» գրական (2000-2003), «Գործաշխարհ» իրավատնտեսական (2004-2005) թերթերի գլխավոր խմբագիրը։ Տարբեր ժամանակներում համատեղությամբ աշխատակցել է «Ստեփանակերտ», «Հայրենիք», «Լուսարար» թերթերին, Արցախի հանրային հեռուստատեսությանը։ «Ազգ» օրաթերթի հատուկ թղթակիցն է Արցախում (1998-ից)։
1994-2000 թվականներին ղեկավարելով Արցախի Հանրապետության ներքին գործերի նախարարության մամուլի ծառայությունը` հիմնադրել և վարել է «02» հաղորդաշարը։ Եղել է Արցախի Հանրապետության դատախազության աշխատակազմի հանրային կապերի բաժնի պետը։ Ունի արդարադատության երրորդ դասի խորհրդականի դասային աստիճան (2000-ից)։
2001 թվականին հիմնադրել և մինչև 2023 թվականի բռնագաղթը ղեկավարել է Արցախի ժուռնալիստների միությունը։
«Լևոն Խեչոյանի ստեղծագործության գեղագիտական առանձնահատկությունները» թեմայով պաշտպանել է թեկնածուական ատենախոսություն` ստանալով բանասիրական գիտությունների թեկնածուի գիտական աստիճան (2011)։
Արցախի Հանրապետության կառավարության Եղիշեի (2002) և Արցախի գրողների միության Մուրացանի (1990) անվան մրցանակների դափնեկիր է։ Հեղինակ է 9 արձակ և չափածո գրքերի։
Երկեր խմբագրել
Տարեգրքեր և գրական ալմանախներ խմբագրել
- Գրական Ղարաբաղ։ Ղարաբաղի ինքնավար մարզի երիտասարդ գրողների ալմանախ (ժողովածուում գործեր ունի նաև Կիմ Գաբրիելյանը, էջ 135-142), Երևան, «Սովետական գրող» հրատ., 1988, 264 էջ, տպ. 5000 օր.։
- Արցախ-դաժան սեր։ Տարեգիրք (ժողովածուում գործեր ունի նաև Կիմ Գաբրիելյանը, էջ 97-104), Ստեփանակերտ, «Սոնա» հրատ., 1999, 288 էջ, տպ. 1200 օր.։
- Արցախի երգը։ Բանաստեղծություններ, պատմվածքներ, էսսեներ (ժողովածուում գործեր ունի նաև Կիմ Գաբրիելյանը, էջ 73-77), Ստեփանակերտ, ԼՂՀ ԳՄ «Վաչագան Բարեպաշտ» հրատ., 2011, 360 էջ, տպ. 250 օր.։
- Բանաստեղծությունն աշխարհի միջօրեականներում 3։ Պոեզիայի միջազգային փառատոն Ստեփանակերտում (ժողովածուում գործեր ունի նաև Կիմ Գաբրիելյանը, էջ 59-65), Ստեփանակերտ, «Դիզակ պլյուս» հրատ., 2014, 252 էջ, տպ. 250 օր.։
- Բառը սահմանի վրա։ Գրական Արցախ (ժողովածուում գործեր ունի նաև Կիմ Գաբրիելյանը, էջ 120-129), Ստեփանակերտ, ԼՂՀ ԳՄ «Վաչագան Բարեպաշտ» հրատ., 2016, 240 էջ, տպ. 500 օր.։
- Ձայն արցախական։ Արցախի գրողների անթոլոգիա (ժողովածուում գործեր ունի նաև Կիմ Գաբրիելյանը, էջ 62-67), Երևան, «Արմավ» հրատ., 2021, 488 էջ, տպ. 700 օր.։
Գրքեր խմբագրել
- Դառը խնձոր (պատմվածքներ), Ե., 1990։
- Թթաթափ (մանկական բանաստեղծություններ), Ստ., 1991։
- Սեր և արյուն (դետեկտիվ վիպակ` Վ. Ստեփանյանի համահեղինակությամբ), Ստ., 1994։
- Անավարտ կենսագրություն (ակնարկներ` Վ. Ստեփանյանի համահեղինակությամբ), Ստ., ՙԱրցախ՚, 1996, 72 էջ։
- Գրառումներ սրտի վրա (բանաստեղծություններ), Ստ., 2001։
- Սիրատուտի (պատմվածքներ), Ստ., 2004:
- Ինքնաթիռներ աղավնու թևերով (պատմվածքներ), Ստ., 2006։
- Լևոն Խեչոյանի ստեղծագործության գեղագիտական առանձնահատկությունները (մենագրություն), Ստ., 2011:
- Սև-կապույտ-մանուշակագույն լեռներ (պատմվածքներ, բանաստեղծություններ, մենագրություն), Ստ., 2014:
Թարգմանություններ խմբագրել
|
Այս հեղինակի կատարած թարգմանությունների ցանկը կարող եք որոնել «Թարգմանչաց արվեստ» շտեմարանի «Թարգմանիչներ» բաժնում |
- Շալամով Վառլամ։ Կոլիմյան պատմվածքներ եւ այլ ստեղծագործություններ /Թարգմ․ Գ․ Բախտամյան, Ն․ Աթաբեկյան, Կ․ Գաբրիելյան, Ա․ Հովհաննիսյան.- Ստեփանակերտ։ Ոգի-Նաիրի, 2012.- 336 էջ։
Մրցանակներ խմբագրել
- Արցախի Հանրապետության կառավարության Եղիշեի անվան ամենամյա մրցանակ (2002)
- Արցախի Հանրապետության գրողների միության Մուրացանի անվան մրցանակ (1990)
Գրականություն խմբագրել
- Հակոբ Չոլաքեան, Արցախեան ինքնաճանաչման բանաստեղծութիւնը, Հալեպ, Սիրիա, տպարան Արեւելք, 1990 (էջ 14, 54, 65, 80)։
- Ղարաբաղյան ազատագրական պատերազմ (1988-1994), հանրագիտարան 1 հատորով, Երևան, «Հայկական հանրագիտարան» հրատ., 2004 (էջ 396)։
- Սոկրատ Խանյան, Մարտնչող գրականություն (գրականագիտական ուսումնասիրություններ և գիտական հոդվածներ), Ստեփանակերտ, «Դիզակ պլյուս» հրատ., 2012 (էջ 453-457)[3]։
- Լրագրողական հանրագիտակ, Ստեփանակերտ, Արցախի ժուռնալիստների միություն, 2012 (էջ 85-86)։
- Նյութեր Ղարաբաղյան ազատագրական պատերազմ (1988-1994) հանրագիտարանից[4]։
- Հայաստանի գրողների միության անդամների ցանկ[5]։
Ծանոթագրություններ խմբագրել
- ↑ Կիմ Գաբրիելյանի կենսագրությունը Արցախի գրողների միության կայքում
- ↑ Ղարաբաղյան ազատագրական պատերազմ (1988-1994), հանրագիտարան, «Հայկ. հանրագիտարան» հրատ., Ե., 2004 (էջ 396)
- ↑ Սոկրատ Խանյան, Մարտնչող գրականություն, 2012 (էջ 354-366)
- ↑ Նյութեր Ղարաբաղյան ազատագրական պատերազմ (1988-1994) հանրագիտարանից
- ↑ Հայաստանի գրողների միության անդամների ցանկ