Կենտրոնական հրապարակ (Տոլյատի)

Տոլյատիի Կենտրոնական հրապարակ (ռուս.՝ Центральная площадь), հրապարակ Ռուսաստանի Սամարայի մարզի Տոլյատի քաղաքի Կենտրոնական շրջանում։

Կենտրոնական հրապարակ
Երկիր	Ռուսաստան
Տեղագրություն	Տոլյատի
Մասն է	street in Tolyatti?
Միանում է	Mira street?, Leningradskaya street?, Lenina bulvar? և Pobedy street?
Մակերես

Նկարագրություն

Կենտրոնական հրապարակը ձևավորվել է Խաղաղության և Լենինի փողոցների հատման վայրում։ Կենտրոնական հրապարակը համարվում է հասարակական, գործարար գոտի և քաղաքի մշակութային ու քաղաքական կյանքի միջուկը։ Հրապարակի հարավային հատվածը ուղղված է դեպի Լենինի զբոսայգի, որը համարվում է պուրակային և զբոսավայրային գոտի։

1977 թվականին հրապարակում տեղադրվեց գորշ գրանիտից հուշաքար, որի վրա գրված էր «Այստեղ կառուցվելու է «Փառք աշխատանքին» հուշարձանը»։ Այստեղ նախատեսվում էր կառուցել հուշարձան Լենինի և Աշխատանքային կարմիր դրոշի շքանշանակիր Կույբիշևհիդրոշին ընկերության շինարարների պատվին։ Սակայն անցան տասնամյակներ հուշարձանը չկառուցվեց և Կենտրոնական հրապարակի վերակառուցման ժամանակ այն տեղափոխվեց մոտակա Կենտրոնական զբոսայգի, որտեղ էլ 2006 թվականի օգոստոսի 10-ին բացվեց «Փառք աշխատանքին» հուշարձանը։

Հրապարակի համալիրի մեջ մտնում են`

• «Տոլյատտի» մշակույթի պալատ
• «Ժիգուլիների աստղ» հյուրանոց
• «Սուրբ Նիկողայոս Զմյուռնացի» հուշարձան (քանդակագործ՝ Ալեքսանդր Ռուկավիշնիկով, հուշարձանը տեղադրվել է Տոլյատիի քաղաքապետ Սերգեյ Ժիլկինի հրամանով)
• Սուրբ ծննդյան մատուռ
• Հուշահամալիր «Քաղաքի հիմնադիրներին»
• «Տոլյատիի» քաղաքային դումա

Կենտրոնական հրապարակում տեղի են ունենում քաղաքային տոներ, կազմակերպվում տոնավաճառներ։