Կարին Հովհաննիսյան
Կարին Հովհաննիսյան (հուլիսի 16, 1985, Լոս Անջելես, Կալիֆոռնիա, ԱՄՆ), ամերիկահայ գրող և կինոռեժիսոր։
| Կարին Հովհաննիսյան անգլ.՝ Garin Hovannisian | |
|---|---|
 | |
| Ծնվել է | հուլիսի 16, 1985 (38 տարեկան) |
| Ծննդավայր | Լոս Անջելես, Կալիֆոռնիա, ԱՄՆ |
| Քաղաքացիություն |  ԱՄՆ |
| Կրթություն | Լոս Անջելեսի Կալիֆոռնիայի համալսարանի Նարեկացու անվան հայագիտության ամբիոն և Կոլումբիայի համալսարան |
| Երկեր | Ես մենակ չեմ |
| Մասնագիտություն | կինոռեժիսոր և գրող |
| Ամուսին | Լարիսա Հովհաննիսյան |
| Ծնողներ | հայր՝ Րաֆֆի Հովհաննիսյան |
 Garin Hovannisian Վիքիպահեստում | |
Կրթություն խմբագրել
2002-2006 թթ. սովորել է Լոս Անջելեսի Կալիֆոռնիայի համալսարանում։
2006-2008 թթ. ուսումը շարունակել է Կոլումբիայի համալսարանի լրագրության բաժնում, ստանալով մագիստրոսի կոչում։ Նա արժանացել է Fellowship-ի ստեղծագրելու համար։
Գործունեություն խմբագրել
Հովհաննիսյանը «Ստվերների ընտանիք. մեկդարյա սպանություններ, հիշողություններ և հայի ամերիկյան երազանքը»[1] գրքի հեղինակն է (ISBN 978-0-06-1-79208-3): Գրքում ներկայացված է ինչպես իր գերդաստանի, այնպես էլ սեփական երկրի ու ժողովրդի պատմությունը ՝ սկսած հայոց ցեղասպանությունից[2]։ Գիրքը արժանացել է Լինթոնի մրցանակի։
Հայկական հարցերի վերաբերյալ նրա հրապարակումները, որոնց շարքում են ցեղասպանության մասին աշխատությունները, տպագրվել են «Լոս Անջելես Թայմս-ում», «Նյու Յորք Թայմս-ում», «The Atlantic-ում» և մի շարք այլ հրատարակություններում։
2015 թվականի ապրիլին հայոց ցեղասպանության 100-րդ տարելիցին թողարկվել է հոգեբանական թրիլեր, դրամա ժանրի «1915» ֆիլմը[3], որի պրոդյուսերը, համահեղինակն ու համառեժիսորը Կարին Հովհաննիսյանն է[4]։
2017 թ.-ին Հովհաննիսյանը հիմնադրել է «Creative Armenia[5]» մշակութային հիմնադրամը, որը հայտնաբերում, զարգացնում ու խթանում է ստեղծարար միտքը։
Նա սպասվող «Ես մենակ չեմ» (2019) վավերագրական ֆիլմի պրոդյուսերն ու ռեժիսորն է, որը նվիրված է 2018 թ.-ի հայկական թավշյա հեղափոխությանը։ Ֆիլմի համաշխարհային պրեմիերան տեղի կունենա Տորոնտոյի միջազգային կինոփառատոնում[6]։
Ծանոթագրություններ խմբագրել
- ↑ «Family of Shadows: A Century of Murder, Memory, and the Armenian American Dream». goodreads.
- ↑ ««Ստվերների ընտանիքը». Հովհաննիսյանների չորրորդ սերնդի ներկայացուցիչը պատմում է իր հայտնի նախնիների պատմությունը». ArmeniaNow. Արխիվացված է օրիգինալից 2019 թ․ օգոստոսի 27-ին.
- ↑ «1915». IMDb.
- ↑ Հակոբյան, Գոհար (29. 04. 2015). ««1915» ֆիլմը՝ անցյալի հետ չփակված հաշիվների մասին». Առավոտ.
- ↑ «Creative Armenia». Creative Armenia.
- ↑ «I am not alone». tiff.
 | Վիքիպահեստն ունի նյութեր, որոնք վերաբերում են «Կարին Հովհաննիսյան» հոդվածին։ |