Կարինե Օհանյան
Կարինե Ռոբերտի Օհանյան (հուլիսի 1, 1952, Երևան, Հայկական ԽՍՀ, ԽՍՀՄ), հայ դաշնակահար, մանկավարժ։ ՀԽՍՀ վաստակավոր արտիստ (1987)։ Պրոֆեսոր (1994)։
| Կարինե Օհանյան | |
|---|---|
| Ծնվել է | հուլիսի 1, 1952 (71 տարեկան) Երևան, Հայկական ԽՍՀ, ԽՍՀՄ |
| Երկիր |  ԽՍՀՄ և  Հայաստան |
| Մասնագիտություն | դաշնակահարուհի և երաժշտության ուսուցիչ |
| Գործիքներ | դաշնամուր |
| Աշխատավայր | Երևանի Կոմիտասի անվան պետական կոնսերվատորիա և Երևանի միջնակարգ մասնագիտական երաժշտական դպրոց Չայկովսկու անվան |
| Կրթություն | Սայաթ-Նովայի անվան երաժշտական դպրոց և Մոսկվայի կոնսերվատորիա (1976) |
| Պարգևներ |  |
Կենսագրություն խմբագրել
Կարինե Օհանյանը ծնվել է 1952 թվականին Երևանում։ Սովորել է Սայաթ-Նովայի անվան երաժշտական դպրոցում։ 1976 թվականին ավարտել է Մոսկվայի կոնսերվատորիան, ապա ուսումը շարունակել է ասպիրանտուրայում՝ պրոֆեսոր Լև Վլասենկոյի դասարանում։ 1978 թվականից դասավանդում է Երևանի Կոմիտասի անվան կոնսերվատորիայում և Չայկովսկու անվան միջնակարգ երաժշտական դպրոցում։ Հանդես է գալիս մենահամերգներով ԽՍՀՄ բազմաթիվ քաղաքներում, Ֆրանսիայում, Իտալիայում, ԱՄՆ-ում, Կանադայում, Բրազիլիայում[1] և նվագախմբերի հետ։ Օհանյանի կատարողական արվեստին բնորոշ են տեմբրային հարստությունը, գեղագիտական ինքնատիպ մեկնաբանությունը[2]։ Ձայնագրել է սկավառակներ[3]։
Մրցանակներ և պարգևներ խմբագրել
- Միջազգային մրցույթի 1-ին մրցանակ, 1976 թվական, Վերչելլի, Իտալիա
- ՀԼԿԵՄ մրցանակ, 1978
- ՀԽՍՀ վաստակավոր արտիստ, 1987
Գրականություն խմբագրել
- Григорьев Л., Платек Я. "Современные пианисты". Москва, "Советский композитор", 1990
Ծանոթագրություններ խմբագրել
- ↑ Բաբաջանյանից տրված իրավունք. Կոմպոզիտորի «Հերոսական բալլադը» այլևս դաշնակահարուհի Կարինե Օհանյանի այցեքարտն է
- ↑ «Все пианисты. История фортепиано - Оганян Каринэ». allpianists.ru. Վերցված է 2018 թ․ հոկտեմբերի 4-ին.
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007։