Խաժակ Կարայան

Խաժակ Համլետի Կարայան (հունվարի 2, 1972(1972-01-02), Աչաջուր, Իջևանի շրջան, Հայկական ԽՍՀ, ԽՍՀՄ), ՀՀ պետական գործիչ, Եվրասիական տնտսական հանձնաժողովի Տեղեկատվական տեխնոլոգիաների դեպարտամենտի տնօրեն։

Խաժակ Կարայան
Ծնվել է	հունվարի 2, 1972(1972-01-02) (52 տարեկան)
Ծննդավայր	Աչաջուր, Իջևանի շրջան, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	Երևանի պետական համալսարան
Մասնագիտություն	ֆիզիկոս
Աշխատավայր	Եվրասիական տնտեսական համայնք

Կրթություն

• 1988-1993 թթ. - սովորել և ավարտել է Երևանի պետական համալսարանի ֆիզիկայի ֆակուլտետը։
• 1993-1997 թթ. - սովորել և ավարտել է Երևանի պետական համալսարանի ֆիզիկայի ֆակուլտետի ասպիրանտուրան։

Աշխատանքային գործունեությունը

• 1996-1997 թթ. - աշխատել է Միջուկային հետազոտությունների միացյալ ինստիտուտում որպես կրտսեր գիտաշխատող։
• 1997 թ. եղել է Երևանի պետական համալսարան և Արտաքին տնտեսական կապերի համալսարանի դասախոս։
• 1997-1999 թթ. - ծառայել է ՀՀ զինված ուժերում։
• 2000-2004 թթ. - եղել է Երևանի քաղաքապետարանի «Երևան քաղաքի էկոլոգիական անվտանգության և հսկողության կենտրոն» ՓԲԸ տնօրեն։
• 2004-2009 թթ. - «Երևան քաղաքի կառավարման տեխնոլոգիաների կենտրոն» ՓԲԸ տնօրեն։
• 2010-2013 թթ. - ՀՀ կառավարությանն առընթեր անշարժ գույքի կադաստրի պետական կոմիտեի նախագահի խորհրդական։
• 2013-2016 ­թթ. - ՀՀ կառավարությանն առընթեր անշարժ գույքի կադաստրի պետական կոմիտեի նախագահի տեղակալ։
• 2016 թ. ­- Եվրասիական տնտսական հանձնաժողովի Տեղեկատվական տեխնոլոգիաների դեպարտամենտի տնօրեն։

Ամուսնացած է, ունի երկու երեխա։