Լովինգ շրջան (Տեխաս)
Լովինգ շրջան (անգլ.՝ Loving County), ԱՄՆ Տեխաս նահանգի 254 վարչական միավորներից մեկը։ ԱՄՆ-ի բնակչության թվով ամենափոքր շրջանն է[2]։ 2000 թվականի մարդահամարի տվյալներով բնակչության թիվը կազմում էր ընդամենը 67 մարդ, իսկ 2010 թվականի դրությամբ՝ 82 մարդ։ Շրջկենտրոնը Մենտոն բնակավայրն է։
 Loving County | |||
|---|---|---|---|
| |||
 | |||
| Երկիր |  ԱՄՆ | ||
| Կարգավիճակ | Տեխասի շրջան | ||
| Մտնում է | Տեխաս | ||
| Վարչկենտրոն | Մենտոն | ||
| Բնակչություն (2000) | 67 | ||
| Տարածք | 1.743 | ||
 | |||
| |||
| Հիմնադրված է | 1931 թ. թ. | ||
| Սահմանակցում է | Վինկլեր շրջան[1], Ուարդ շրջան[1], Ռիվս շրջան[1], Էդի շրջան[1] և Լեա շրջան[1] | ||
| Ժամային գոտի | CDT? | ||
| Անվանված է | Oliver Loving?[1] | ||
| lovingcountytexas.us(անգլ.) | |||
Պատմություն խմբագրել
Առաջին եվրոպացին, որը այցելել է ժամանակակից շրջանի տարածքը, իսպանացի կոնկիստադոր Անտոնիո դե Էսպեխոն էր, որը 1583 թվականին անցել է Պեկոս գետը։ 1837-1874 թվականները տարածքն եղել է Բեխար շրջանի մի մասը, 1874 թվականին եղել է Թոմ շրջանի կազմի մեջ։ 1893 թվականին կազմավորվել է Լովինգ շրջանը։ Իր անվանումը ստացել է ֆերմեր Օլիվեր Լովինգի պատվին, որը խոշոր եղջերավոր կենդանիներ էր բուծում և այստեղ ագարակատուն ուներ։
1897 թվականին մտել է Ռիվս շրջանի կազմի մեջ։
1921 թվականին այստեղ նավթի հանք է բացվել, ինչը բնակչության մեծ հոսքի պատճառ է դարձել։ 1931 թվականին շրջանը կրկին վերակազմավորվել է։ 1933 թվականին գրանցվել է բնակչության թվի ամենամեծ ցուցանիշը՝ ավելի քան 600 մարդ։
Քաղաքական դիրքորոշում խմբագրել
Բոլոր նախագահական ընտրություններում Լովինգ շրջանը քվեարկում է հանրապետական կուսակցության թեկնածուի օգտին՝ երբեմն բացառություն անելով անկախ թեկնածուներին։
Աշխարհագրություն խմբագրել
ԱՄՆ-ի Մարդահամարի բյուրոյի տվյալներով, շրջանի ընդհանուր տարածքը կազմում է 1 753 կմ², որոնցից 1 743 կմ²-ն ցամաք է և 10 կմ²-ն կամ 0,56 %-ը՝ ջրամբարներ։
Պեկոս գետը համարվում է շրջանի արևմտյան սահմանը, Ռեդ Բլաֆ ջրամբարը գոյացնում է հյուսիսարևմտյան սահմանը Ռիվս և Էդի շրջանների հետ։ Լովինգ շրջանի լանդշաֆտը իրենից ներկայացնում է հարթ անապատ, մի քանի ոչ բարձր լեռներով։ Բուսականությունն աղքատ է, ներկայացված է անապատային խոտաբույսերով և թփուտներով, զանազան կակտուսներով և գետի երկայնքով աճող կարմրանի մացառուտներով։ Բարձրությունների տատանումները փոփոխվում են ծովի մակարդակից 818-1009 մետրի վրա։
Հարևան շրջաններ խմբագրել
- Լեա շրջան (հյուսիս)
- Ռիվս շրջան (հարավ և արևմուտք)
- Վինկլեր շրջան (արևելք)
- Ուարդ շրջան (հարավ-արևելք)
- Էդի շրջան (հյուսիս-արևմուտք)
Բնակչություն խմբագրել
| Մարդահամար | Բնակչություն | %± |
|---|---|---|
| 1890 | 3 | — |
| 1900 | 33 | 1000% |
| 1910 | 249 | 654,5% |
| 1920 | 82 | −67,1% |
| 1930 | 195 | 137,8% |
| 1940 | 285 | 46,2% |
| 1950 | 227 | −20.4% |
| 1960 | 226 | −0,4% |
| 1970 | 164 | −27,4% |
| 1980 | 91 | −44,5% |
| 1990 | 107 | 17,6% |
| 2000 | 67 | −37,4% |
2000 թվականի մարդահամարի տվյալներով շրջանի բնակչությունը կազմում էր 67 մարդ, իսկ 2010 թվականի դրությամբ՝ 82 մարդ[3]։ Բնակչության խտությունը կազմում էր 0,0384 մարդ/կմ²։ Բնակչության ռասայական կազմը՝ 60 սպիտակամորթ, այլ ռասաների 6 ներկայացուցիչ և երկու կամ ավելի ռասաների 1 ներկայացուցիչ։ 7 մարդ իսպանախոս էին կամ լատինոամերիկացի։
Լովինգը միակ շրջանն է Միացյալ Նահանգներում, որտեղ ոչ մեկ չի ապրում աղքատության սահմանաշենից ցածր մակարդակի վրա[4]։
Տնտեսություն խմբագրել
Շրջանի տնտեսությունը գրեթե ամբողջությամբ հիմնված է նավթագազային հորատապայթեցման աշխատանքների և ֆերմերային տնտեսության վրա։
Բնակավայրեր խմբագրել
Ծանոթագրություններ խմբագրել
- ↑ 1,0 1,1 1,2 1,3 1,4 1,5 Texas State Historical Association, Barkley R. R., Tyler R. C. Handbook of Texas — Texas State Historical Association, 1952. — ISBN 978-0-87611-151-2
- ↑ «1 Cafe, 1 Gas Station, 2 Roads: America's Emptiest County» (անգլերեն). Նյու Յորք Թայմս. 25.02.2006. Արխիվացված օրիգինալից 2012 թ․ ապրիլի 10-ին. Վերցված է 2009 թ․ նոյեմբերի 6-ին.
- ↑ «Տվյալներ ԱՄՆ վիճակագրության բյուրոյի կայքում». Արխիվացված է օրիգինալից 2011 թ․ հոկտեմբերի 18-ին. Վերցված է 2012 թ․ հունվարի 30-ին.
- ↑ «Данные Бюро переписи США о доходах населения по округу Ловинг» (անգլերեն). Արխիվացված է օրիգինալից 2012 թ․ ապրիլի 10-ին. Վերցված է 2009 թ․ նոյեմբերի 8-ին.
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Լովինգ շրջան (Տեխաս) կատեգորիայում։ |