Լալա Մնացականյան

Լալա Բաբկենի Մնացականյան (հոկտեմբերի 8, 1957(1957-10-08), Երևան, Հայկական ԽՍՀ, ԽՍՀՄ), հայ դերասանուհի, ՀՀ վաստակավոր արտիստ։

Լալա Մնացականյան
Ծնվել է	հոկտեմբերի 8, 1957(1957-10-08) (66 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	Երևանի պետական գեղարվեստա-թատերական ինստիտուտ
Քաղաքացիություն	ԽՍՀՄ և  Հայաստան
Մասնագիտություն	դերասանուհի
Ծնողներ	մայր՝ Էլիզա Գյուլեսերյան
Ամուսին(ներ)	Աշոտ Համբարձումյան
Պարգևներ և մրցանակներ
lala.am

Գեղանկարիչ, բեմանկարիչ, ՀՀ վաստակավոր նկարիչ Աշոտ Համբարձումյանի կինն է։

Կենսագրություն

Ծնվել է 1957 թվականի հոկտեմբերի 8-ին Երևանում դերասանուհու և մաթեմատիկոսի ընտանիքում։ Մայրը՝ Էլիզա Գյուլեսերյանը, եղել է բեմական խոսքի դոցենտ, հայրը՝ Բաբկեն Մնացականյանը՝ մաթեմատիկոս, մաթեմատիկական գիտությունների թեկնածու, դոցենտ։ Ընտանիքում եղել է երրորդ աղջիկը։ Սովորել է Երևանի N 78 դպրոցում։ Ավարտելով այն՝ ընդունվել է Երևանի պետական գեղարվեստա-թատերական ինստիտուտի թատրոնի և կինոյի դերասանական բաժինը, որն ավարտել է 1978 թվականին կարմիր դիպլոմով։ Խաղացել է բազմաթիվ դերեր թատրոնում, կինոյում և հեռուստատեսությունում։ Հետաքրքիր դերակատարումներով հանդես է եկել տարբեր թատրոններում՝ Երևանի Երիտասարդական Էքսպերիմենտալ Թատրոն, Վանաձորի Հովհաննես Աբելյանի անվան պետական դրամատիկական թատրոն, Գաբրիել Սունդուկյանի անվան ակադեմիական թատրոն, «Մետրո» թատրոն, Մհեր Մկրտչյան արտիստական թատրոն։ 140 մանրապատումների սցենարիստ է և դերակատար։ 1991 թվականից բեմական խոսք է դասավանդում Երևանի Կինոյի և թատրոնի պետական ինստիտուտում, բեմական խոսքի պրոֆեսոր է։ Համահեղինակ է «Գեղարվեստական խոսքի մատուցման արվեստը» ուսումնական ձեռնարկի, որն առաջին և առայժմ միակ դասագիրքն է հայերենով։

Դերերը թատրոնում

Երևանի պետական գեղարվեստա-թատերական ինստիտուտ

• 1975 - Սմերալդինա՝ Կ. Գոլդոնիի «Երկու տիրոջ ծառան»
• 1976 - Օգյուստինա՝ Ռ. Թոմաի «Ութ Սիրագորով կանայք»
• 1978 - Գիզա՝ Ռ. Լոտարի «Արքա Առլեքին»

Երևանի երիտասարդական էքսպերիմենտալ թատրոն

«Նստարան»

«Սիրային Նախատինք՝ բազկաթոռին նստած ամուսնուն»

«Մայրը»

• 1979-1980 - Ռոզալիա Պավլովնա՝ Վ. Մայակովսկու «Փայտոջիլ»
• 1979-1980 - Մեզալյապսովա՝ Վ. Մայակովսկու «Բաղնիք»
• 1979-1980 - Գերտրուդ՝ Ա. Սաստրեիի «Վիլհեմ Թելի թախծոտ աչքերը»
• 1979 - Պոլի Փիչըմ՝ Բ. Բրեխտի «Երեք գրոշանոց օպերա»
• 1979-1980 - Սոնյա՝ Ա. Չեխովի «Քեռի Վանյա»
• 1980 - Լիկա՝ Ա. Զուրաբովի «Երկու քույր»
• 1984 - Վերա՝ Ա. Գելմանի «Նստարան»

Վանաձորի Հովհաննես Աբելյանի անվան պետական դրամատիկական թատրոն

• 1982 - Արմինե՝ Ժ. Սարգսյանի «Բերոյանների ընտանիքը»
• 1982 - Անահիտ՝ Գ. Սարգսյանի «Հորովել»

Գաբրիել Սունդուկյանի անվան ակադեմիական թատրոն

• 1983 - Մարինա՝ Վ. Ռոզովի «Երջանկություն որոնելիս»
• 1985 - արքայադուստր՝ Ս. Մարշակի «12 ամիս»
• 1986 - հաղորդավար՝ Մ. Շատրովի «Կապույտ նժույգներ կարմիր խոտի վրա»
• 1987 - Նիննուչա՝ Է. դե ֆիլիպոի «Ծննդյան տոները սենյոր Կուպյելոյի տանը»
• 1989 - Լիզա՝ Ա. Աղասարյանի «Փրկեք մեր հոգիները»
• 1991 - Սորրենտինո՝ Ջ. Մառոտտաի և Բ. Ռանդոմեի «Այրիներ սփոփողը»

«Մետրո» թատրոն

• 1995 - Էվա՝ Ա. Նիկոլայիի «Սեր մինչ ի մահ»
• 1995-1996 - Մերի՝ Ա. Աղասարյանի «Ուիլի Թիթի Ջիգ և երեքն էլ մի աղջիկ»
• 1997-1998 - Էսթեր՝ Ժ. Պ. Սարտր «Դռնփակ»

Մհեր Մկրտչյան արտիստական թատրոն

• 2004 - Գրացիելլա՝ Գ. Գ. Մարկեսի «Սիրային Նախատինք՝ բազկաթոռին նստած ամուսնուն» մոնոներկայացում
• 2009 - Ֆիլումենա՝ Է. դե Ֆիլիպոյի «Ֆիլումենա Մարտուրանո»

Երևանի Թատրոնի և կինոյի պետական ինստիտուտի Ուսումնական թատրոն

• 2012 թ. - մայր՝ Կ. Չապեկի «Մայրը»

Հեռուստաթատրոն

• 1982-1983 - Լուսիկ՝ Հ. Պարոնյանի «Բարսեղ աղան և ուրիշները»
• 1983 - Ոստիկան՝ Լ. Միրիջանյանի «Քաջ Նազար»
• 1984 - Ժանեթ՝ Ի. Դրուցեի «Հանուն հողի և արևի»
• 1984 - Մերի՝ Ջեքսոնի «Աստված մեզ օգնական»
• 1984 - Մաշա ՝ Վ. Արրոի «Տեսեք ով է եկել»
• 1984 - Վարյա ՝ Ա. Կազանցևի «Անտոնը և ուրիշները»
• 1986 - Հասմիկ՝ Ա. Այվազյանի «Արալեզ»
• 1989 - Նարգիզ՝ Ա. Ահարոնյանի «Թթխմոր»
• 1994 - Վերա՝ Ա. Գելմանի «Նստարան»

Ռադիոթատրոն

• 1983 - Հասմիկ՝ Դ. Լալայանցի «Արիության բարձունք»
• 1983 - Աննա՝ Հ. Քոչարի «Անտառի փեսացուն»
• 1983 - Նենե՝ Րաֆֆու «Խաչագողի հիշատակարան»
• 1984 - գլադիատոր՝ Խ. Չալիկյանի «Անծանոթ աղջիկը»
• 1984 - Դուլսինեա Տոբոսսկայա՝ Մ. Սերվանտեսի «Դոն Կիխոտ»
• 1986-1987 արքայազն՝ Մ. Տվենի «Արքայազն ու աղքատը»
• 1991 - Սուոն՝ Վ. Սարոյան «Համարյա ծիծաղելի պատմություն»

Հաղորդաշարեր

• 1992-1997 - Երգիծական մանրապատումներ և հումոր
• 1992-1997 - Ձայն Մեծաց

Ֆիլմեր

• 1984 - Մանուկով աղախին - «Ձիավոր, որին սպասում են»
• 1992 - Ուսուցչուհի - «Ընկեր Փանջունի»
• 2015 - «Ամանորը մեր անբաժան ընտանիքում»
• 2015 - «Ճամբարում»
• 2020 - «Պապա»

Հեռուստաֆիլմեր

«Մեր Բակը 3»

• 1996 - Լալա «Մեր բակը 1»
• 1997 - ծաղկավաճառ «Սիրված երգեր 1»
• 1998 - սրճարանի տիրուհի «Սիրված երգեր 2»
• 2005 - Լալա «Մեր բակը 3»
• 2015-2016 «Ընտանյոք հանդերձ» սիթքոմ
• 2017 -2018 - «Բացի՛ր աչքերդ»
• 2017-2018 - «Ոսկե դպրոց» սիթքոմ
• 2021 Լալա - «Մեր բակը 25 տարի անց»
• 2021 - «Անավարտ ճանապարհ»

Բեմադրություններ

Ներկայացումներ

• 2000 - «Հեքիաթները», Հ. Թումանյան, Հանրային հեռուստատեսություն
• 2001 - «Շղթայված Պրոմեթևսը», Էսքիլոսի համանուն ողբերգության
• 2002 - «Ամբողջ կյանքում գնում ենք մի խուրձ խոտի ետևից» երաժշտական ֆարս, Երևանի պետական կամերային երաժշտական թատրոն
• 2007 - «Զվարճալի մանրապատումներ», Հ. Պարոնյան, Երևանի Թատրոնի և կինոյի պետական ինստիտուտի Ուսումնական թատրոն
• 2012 - «Մայրը», Կ. Չապեկ, Երևանի Թատրոնի և կինոյի պետական ինստիտուտի Ուսումնական թատրոն

Հեռուստատեսային հեղինակային ծրագրեր

• 1997 - «Էլ դու սուս» երգիծական ծրագիր
• 1998-2001 «Ինչ կա չկա» զվարճալի երաժշտական ծրագիր
• 2002-2003 «Լալա ընդ Հարութ» երգիծական ծրագիր
• 2004-2007 «ՇարունակԷլի» զվարճալի ֆիլմեր

«Գժուկ» մանկական երգիծական կինոհանդես

• 2008 - «Էդքան էլ ճիշտ»
• 2008 - «Վարպետն ու Մարգարիտան»
• 2009 - «Թաքնված տաղանդը»
• 2010 - «Ֆուտբոլը»
• 2011 - «Նվերը»

Կոչումներ և մրցանակներ

• 1977 - Ասմունքի հանրապետական մրցանակաբաշխության առաջին մրցանակ
• 1978 - Յախոնտովի անվան ասմունքի համամիութենական մրցանակաբաշխություն
• 2004 - «Արմմոնո 2» թատերական փառատոն. «Կերպարի ստեղծման արտիստիզմ»-ի համար «Սիրային նախատինք՝ բազկաթոռին նստած ամուսնուն» մոնոներկայացում ըստ Գ.Մարկեսի
• 2004 - Դոցենտի գիտական կոչում թատերական արվեստ, կինոարվեստ մասնագիտությամբ
• 2005 - Կիևի «Վիդլուննյա» Միջազգային թատերական փառատոն. «Կանացի լավագույն դերակատարում», «Հանդիսատեսի համակարանք» և «Բեմական հմայք» մրցանակներ «Սիրային նախատինք՝ բազկաթոռին նստած ամուսնուն» մոնոներկայացում ըստ Գաբրիել Գարսիա Մարկեսի
• 2006 - Հայաստանի Հանրապետության վաստակավոր արտիստ
• 2008 - Շնորհվել է պրոֆեսորի գիտական կոչում թատերական արվեստ, կինոարվեստ մասնագիտությամբ
• 2012 - Բրեստի «Բելայա Վեժա» Միջազգային թատերական փառատոն. «Հանդիսատեսի համակարանք» "Մայրը" ներկայացման համար ըստ Կարել Չապեկի

Գրականություն Լալա Մնացականյանի մասին

• (100 մոնոլոգ) «Զգուշացե՛ք լուրջ մարդկանցից». Լալա Մնացականյան
• Սերիալները հասարակությանը տանում են դեպի տգիտություն և անճաշակություն. Լալա Մնացականյան Արխիվացված 2016-03-03 Wayback Machine 26 հուլիսի 2012
• Հրավիրել էր Լալա Մնացականյանը 31 օգոստոսի 2012

Վիքիպահեստն ունի նյութեր, որոնք վերաբերում են «Լալա Մնացականյան» հոդվածին։