Լագո Մաջորե
Լագո Մաջորե (իտալ.՝ Lago Maggiore [ˈlaːɡo madˈdʒoːre] — «մեծ լիճ»), լիճ Շվեյցարիայի և Իտալիայի սահմանին։ Լճի շվեյցարական մասը գտնվում է Տիչինո կանտոնում, իսկ իտալական մասը՝ Պիեմոնտ և Լոմբարդիա մարզերում։ Լագո Մաջորեի ջրագիծը համարվում է Շվեյցարիայի ամենացածր կետը։
 Lago Maggiore | ||
 | ||
| Կոորդինատներ | ||
| Երկիր |  Իտալիա Շվեյցարիա
| |
| Վարչատարածքային բաժանում | Պիեմոնտ Լոմբարդիա Տիչինո | |
| Հայելու բացարձակ բարձրությունը | 193 մ | |
| Ավազանի մակերեսը | 212,5 կմ² | |
| Ծավալը | 37 կմ³ | |
| Ամենամեծ խորությունը | 372 մ | |
| Միջին խորությունը | 177 մ | |
| Ջրահավաքի մակերեսը | 6599 կմ² | |
| Թափվող գետերը | Վերզասկա | |
| Սկիզբ առնող գետերը | Տիչինո | |
  | ||
 Վիքիպահեստում
| ||
Աշխարհագրություն խմբագրել
Լագո Մաջորե լիճը գտնվում է տեկտոնական իջվածքում, Լոմբարդյան Ալպերի արևմտյան հատվածում, ծովի մակարդակից 193 մ բարձրության վրա։ Մակերեսը 212,5 կմ² է, երկարությունը՝ 66 կմ, լայնությունը՝ մինչև 10 կմ, խորությունը՝ մինչև 372 մ։ Գերիշխող քամիներն են՝ տրամոնտանա (առավոտյան) լճի կողմից և ինվերնա (երեկոյան) դեպի լիճը։
Տեղումներն առատ են մայիսին և սակավ են ձմռան ամիսներին[1][2][3]։
Լագո Մաջորեի միջով հոսում է Տիչինո նավարկելի գետը, որը Պո գետի ձախ վտակն է։ Լճում ջրի մակարդակի տատանումները կազմում են տարեկան մոտ 4 մ, առավելագույն բարձրության հասնում է հունիս-հուլիս ամիսներին։ Լիճը ձմռանը չի սառչում։ Կլիման լճի մոտակայքում բավականին մեղմ է, ինչի շնորհիվ ափերի մոտ կան բազմաթիվ հանգստավայրեր՝ Լոկարնո, Ասկոնա, Կանոբիո, Սթրեզա և այլն։
Զարգացած է նավագնացությունը, ձկնորսությունը (կարմրախայտ, պերկես), զբոսաշրջություն, ջրային սպորտ։
Լճի մեջ է թափվում Վերզասկա գետը։ Լճի ափին է գտնվում Լոկառնո քաղաքը։
Անվանում խմբագրել
Անվանումը բառացի նշանակում է «մեծ լիճ»․ Lago՝ «լիճ», maggiore՝ «մեծ»։ Հայտնի է նաև Վերբանո անունով[4]։
Կղզիներ խմբագրել
- Բրիսագո կղզիներ
- Castelli di Cannero կղզյակներ
- Բորոմեյյան կղզիներ՝ Իզոլա Բելլա, Իզոլա Մադրե, Իզոլա Սուպերիորե, Իզոլա դի Սան Ջովանի։
Տեսարժան վայրեր խմբագրել
Լճի մոտ է գտնվում Սանտա Կատերինա դել Սասո մայր տաճարը։
Համայնապատկերներ խմբագրել
Գրականություն խմբագրել
- Francesco Del Priore, Teresio Valsesia, 2000, il Locarnese sott’acqua, Armando Dadò Editore, 2000
- Emanuele Bolla, Un tuffo negli anni '50
- Renzo Boccardi, Il Lago Maggiore, Istituto italiano d’arti grafiche, 1931
- Giampaolo Dossena, I Laghi della Lombardia: Immagini del XIX Secolo Dagli Archivi Alinari, Alinari, 1985
- Renata Lodari, Giardini e ville del Lago Maggiore : un paesaggio culturale tra Ottocento e Novecento, Centro studi piemontesi, 2002
- J. Epper, Contributo all’idrografia del Lago Maggiore, 1902
- F. Vercelotti (a cura di), Elogio del lago Maggiore, 1973
- Navigazione Lago Maggiore e centenario del piroscafo Piemonte, Andrea Lazzarini editore, 2006
Արտաքին հղում խմբագրել
- Կայք Լագո Մաջորե լճի մասին(անգլ.)(գերմ.)
- Լագո Մաջորե Open Directory Project-ում(իտալ.)
- Լագո Մաջորե լճի լաստանավերը Արխիվացված 2007-05-19 Wayback Machine(իտալ.)(անգլ.)(գերմ.)
Ծանոթագրություններ խմբագրել
- ↑ The history of Lake Maggiore lagomaggioreonline.it. Retrieved 2010-03-12
- ↑ Lake Maggiore myswitzerland.com. Retrieved 2010-03-12
- ↑ Lago maggiore - a popular holiday destination in Switzerland as well Արխիվացված 2013-09-23 Wayback Machine travel-swiss.co.uk. Retrieved 2010-03-12
- ↑ Հ. Ղ. Գրգեարյան, Ն. Մ. Հարությունյան (1987). Աշխարհագրական անունների բառարան. Երևան: «Լույս».
 | Վիքիպահեստն ունի նյութեր, որոնք վերաբերում են «Լագո Մաջորե» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 467)։ 
|