Իվան Կռիլովի տուն-թանգարան
Իվան Կռիլովի տուն-թանգարան (ռուս.՝ Дом-музей Ивана Крылова), տուն-թանգարան Ռուսաստանի Ռոստովի մարզի Նովոչերկասկ քաղաքում։ Այս տանն ապրել է ռուս գեղանկարիչ և թատերական նկարիչ Իվան Իվանովիչ Կռիլովը։ Թանգարանը մշակութային ժառանգության դաշնային նշանակության օբյեկտ է։
Իվան Կռիլովի տուն-թանգարան | |
|---|---|
 | |
| Տեսակ | թանգարան և պատմության հուշարձան |
| Երկիր |  Ռուսաստան |
| Տեղագրություն | Նովոչերկասկ |
| Հիմնադրվել է | 1979 |
 | |
 | |
 Արտաքին պատկերներ
| |
|---|---|
|
Կռիլովի տուն-թանգարան |
Հասցեն` Ռուսաստան, Ռոստովի մարզ, Նովոչերկասկ, Բուդյոննու փողոց, տուն 54։
Պատմություն և նկարագրություն խմբագրել
Նկարիչ Իվան Իվանովիչ Կռիլովի հուշաթանգարանը բացվել է 1979 թվականի հունիսի 1-ին Նովոչերկասկի այն տանը, որտեղ նա ապրել է 1900-1936 թվականներին։ Նկարիչը ծնվել է 1860 թվականին Դոնի կազակի ընտանիքում` Ելիզովետինսկայա գյուղում։ Սովորել է Սանկտ Պետերբուրգի գեղարվեստի ակադեմիայում։ Ավարտելով ուսումը` ապրել է Սանկտ Պետերբուրգում, Սիվերսկայա գյուղում, Մոսկվայում։ Այդ ժամանակ նա ձեռք է բերել բնապատկերի վարպետի համբավ։ «Նևայի սառույցը», «Մոսկվայի տեսարանը Վորոբյովի լեռներից» ձմեռային բնապատկերներով «Հյուսիսային շարքը» ձեռք է բերել Մեծ իշխան Սերգեյ Ալեքսանդրովիչը։ Այս աշխատանքի տարբերակը ներկայումս պահվում է թանգարանում։
Կովկասում և Ղրիմում նրա կատարած ճամփորդությունների տպավորությունները արտահայտվել են «Հարավային շարքի» նկարներում։ Կռիլովի բազմաթիվ աշխատանքներ նվիրված են Դոնի երկրամասին։ Դրանցում կարելի է տեսնել Դոնի տափաստանը, գետերի վարարումները, ծաղիկներ։ Նկարչին հաճախ անվանում են «Դոնի տափաստանների երգիչ»։ Մի քանի աշխատանք նկարիչը նվիրել է Տագանրոգ քաղաքին։ Այդ նկարներն են` «Տագանրոգի ծովափը», «Տագանրոգի ծովապատնեշը», «Փարոսը գիշերով», «Տագանրոգի սանդուղքը»։
XX դարի սկզբին նկարիչը վերադարձել է Դոն, Երրորդության տաճարի դպիրից գնել տուն։ Այստեղ նա ապրել է կնոջ` Ելիզավետա Իվանովնա Կռիլովայի (Բուրխգարդտ) և դստեր` Ելիզավետա Իվանովնայի հետ։ Այն տունը, որը ներկայումս թանգարան է, կառուցվել է մոտավորապես XIX դարի երկրորդ կեսին և հանդիսանում է տիպիկ կազակական տուն։
Ապրելով այդ տանը` նկարիչը դասախոսել է Պոլիտեխնիկական ինստիտուտում, կազմակերպել է գեղարվեստական ցուցահանդեսներ։ Իվան Իվանովիչ Կռիլովը Նովոչերկասկին է կտակել իր մոտ 900 կտավները։ Թանգարանի ցուցադրությունում պատմվում է նրա կյանքի այս շրջանի մասին[1]։
Թանգարանը ցույց է տալիս միջին խավի քաղաքացիների կենցաղը. տունը բաղկացած է ծածկապատշգամբով, նախասենյակով և բնակելի մասով փայտե կցակառույցից, որն ունի 4 սենյակ։ Տանը պահվում է նկարչի կյանքի հետ կապված իրերի ավելի քան 70 տոկոսը։ Պատերին նրա նկարներն են, ինքնանկարը։
Սրահում են գտնվում նրա շախմատային սեղանը, ճոճաթոռը, պատեֆոնը, մանդոլինը։ Ճաշասենակում կարելի է տեսնել ինքնաեռը, մուրաբա պատրաստելու համար պղնձե թասը, պուլիկները և այլն։
Տնակը եղել է Նովոչերկասկի մշակութային կյանքի կենտրոնակետը։ Այստեղ եղել են գրողներ Ալեքսանդր Իվանովիչ Կուպրինը, Ալեքսանդր Սերաֆիմովիչ Սերաֆիմովիչը, Կոնստանտին Անդրեևիչ Տրենյովը և այլք։ Տան հարևանությամբ կառուցված է ցուցասրահ, որտեղ վերաստեղծված է նկարչի արվեստանոցը։ Ցուցասրահում անցկացվում են Նովոչերկասկի նկարիչների քաղաքային գեղարվեստական ցուցահանդեսներ։
Նկարիչ Իվան Իվանովիչ Կռիլովի հուշաթանգարանը դաշնային նշանակության մշակութային հուշարձան է։
Ծանոթագրություններ խմբագրել
Արտաքին հղումներ խմբագրել
- Мемориальный дом-музей художника Ивана Ивановича Крылова Արխիվացված 2017-01-23 Wayback Machine
- Дом-музей И.И. Крылова
- Дом-музей И.И. Крылова Արխիվացված 2017-01-18 Wayback Machine
 | Վիքիպահեստն ունի նյութեր, որոնք վերաբերում են «Իվան Կռիլովի տուն-թանգարան» հոդվածին։ |