Թեյշեբա աստծու արձանիկ
Թեյշեբա աստծու արձանիկ, Ուրարտուի ռազմի, ամպրոպի և հողմի աստծո, ինչպես նաև Ուրարտուի գլխավոր երեք աստվածներից մեկի՝ Թեյշեբայի արձանիկ[1]։ Թվագրվում է մ.թ.ա. 8-7-րդ դարերին։
 | |
|---|---|
[[Պատկեր: |280px|]]' | |
| նյութ | բրոնզ |
| ստեղծվել է | մ. թ. ա. 8-7-րդ դարեր |
| կայք | |
Հայտնաբերվել է Կարմիր բլուրում 1941 թվականին։ Հայտնաբերողը Հռիփսիմե Ջանփոլադյանն է՝ հնագիտական արշավախմբի ղեկավար Բորիս Պիոտրովսկու կինը[2]։ Թեյշեբա աստծու արձանիկը պահվում է Հայաստանի պատմության թանգարանում[3]։
Նկարագրություն խմբագրել
Քանդակն ունի երիտասարդ տղամարդու տեսք, որը կանգնած է տերևներից հյուսած պսակի վրա։ Տղամարդը հագել է երկարափեշ զգեստ, որի վրա կան Ուրարտուի ժամանակաշրջանին բնորոշ զարդանախշեր։ Զգեստի վրայից կապված է գոտի, իսկ ուսի վրա ժապավեն է։ Թեյշեբայի մազերը թափված են ուսերին, իսկ գլխին կրում է եղջյուրներով պատված գլխազարդ։ Քանի որ Թեյշեբան նույնացվում էր ցուլի հետ, եղջյուրները խորհրդանշում են ցուլը։ Աստծո արձանիկի ձախ ձեռքում մարտական կացին է, իսկ աջում՝ գուրզ, որոնք նրա խորհրդանիշներն են։
Ծանոթագրություններ խմբագրել
- ↑ «Teisheba | Armenian god». Encyclopedia Britannica (անգլերեն). Վերցված է 2017 թ․ փետրվարի 19-ին.
- ↑ «Թեյշեբայի հարությունը». Արխիվացված է օրիգինալից 2016 թ․ օգոստոսի 21-ին. Վերցված է 2017 թ․ հունվարի 21-ին.
- ↑ «Հնագիտական Հավաքածու, Հայաստանի պատմության թանգարանի վեբկայք». historymuseum.am. Վերցված է 2016 թ․ հոկտեմբերի 6-ին.(չաշխատող հղում)
Աղբյուրներ խմբագրել
- Հայացք բրոնզե դարից, Ալբոմ-կատալոգ, Հայաստանի պատմության թանգարան, 2016, 160 էջ։ A Glance from the Bronze Age. Yerevan, History Museum of Armenia, 2016, 160 pages.
- Հայացք բրոնզե դարից, Ալբոմ-կատալոգ, Հայաստանի պատմության թանգարան, 2010։
Այս հոդվածի կամ նրա բաժնի որոշակի հատվածի սկզբնական տարբերակի նյութը տրամադրված է Հայաստանի պատմության թանգարանի կողմից ԳԼԱՄ ծրագրի շրջանակներում։  |