Էվրիանթ

Էվրիանթ (Euryanthe), Գերմանացի երգահան Կարլ Մարիա ֆոն Վեբերի մեծ ռոմանտիկական օպերա (Große heroisch-romantische Oper) երեք գործողությամբ։ Գերմաներեն լիբրետտոն Հելմինա ֆոն Շեզիի ըստ «Իշխան Ժերար դը Նևերի և նրա գեղեցիկ ու առաքինի սիրելի կնոջ՝ Էվրիանթ Սավոյացու պատմությունը» միջնադարյան ֆրանսիական վեպի։ Առաջնախաղը կայացել է Վիեննայում 1823 թ. հոկտեմբերի 25-ին՝ հեղինակի ղեկավարությամբ։

Էվրիանթ
Տեսակ	դրամատիկ-երաժշտական ստեղծագործություն
Ժանր	Մեծ օպերա
Կոմպոզիտոր	Կարլ Մարիա ֆոն Վեբեր
Լիբրետտոյի հեղինակ	Հելմինա ֆոն Շեզի
Սյուժեի աղբյուր	«Իշխան Ժերար դը Նևերի և նրա գեղեցիկ ու առաքինի սիրելի կնոջ՝ Էվրիանթ Սավոյացու պատմությունը» միջնադարյան ֆրանսիական վեպ
Առաջնախաղի տարեթիվ	հոկտեմբերի 25, 1823
Առաջնախաղի վայր	Վիեննա
Հրատարակման տարեթիվ	19-րդ դար
Euryanthe Վիքիպահեստում

«Էվրիանթը» ասպետական ռոմանտիկական օպերայի բնորոշ գերմանական տեսակն է։ Այն դարձավ Վագների ասպետական «Տանհոյզեր» և «Լոհենգրին» օպերաների «նախամայրը»։ «Էվրիանթին» հատուկ միստիկական խորհրդատվությամբ առասպելական սյուժեն, հերոսականության ձգտումը և միաժամանակ խորազնին ուշադրությունը հոգեբանական ոլորտի նկատմամբ, զգացմունքների և խորհրդածությունների գերակշռությունը գործողության նկատմամբ հետագայում դարձան գերմանական ռոմանտիկական օպերայի տարբերակիչ հատկանիշները։

Ծանոթագրություններ

Վիքիպահեստն ունի նյութեր, որոնք վերաբերում են «Էվրիանթ» հոդվածին։