Էստոնիայի անկախության հաղթանակի սյուն
Էստոնիայի անկախության հաղթանակի սյուն (էստ․՝ Vabadussõja võidusammas), գտնվում է Էստոնիայի մայրաքաղաք Տալլինի Ազատության հրապարակում։ Հուշարձանի բացումը տեղի է ունեցել 2009 թ․–ի հունիսի 23–ին՝ Էստոնիայի անկախության համար մղված մարտերում զոհվածների հիշատակի օրը։ Սյունը ունի 23,5 մ բարձրություն և կազմված է 143 ապակե թիթեղներից։ Սյան գլխավերևում տեղադրված է 1919 թ․–ին ստեղծված Էստոնիայի ամենաբարձր պարգևը մարմնավորող խաչ։
 Vabadussõja võidusammas | |
|---|---|
 | |
 | |
 | |
| Տեսակ | հուշահամալիր և Estonian War of Independence memorial? |
| Ստեղծում | հունիսի 23, 2009 |
| Երկիր |  Էստոնիա |
| Քաղաք | Ազատության հրապարակ |
| Բնակավայր | Տալլին |
| Ներկա վիճակ | գերազանց |
 Independence War Victory Column Վիքիպահեստում | |
Պատմություն խմբագրել
Հուշարձանի կառուցման գաղափարը ի հայտ է եկել 1919 թ․–ին պատերազմի ավարտից հետո։ 1918-1920 թթ․–ին անկախության համար տեղի ունեցած մարտերում 4000 մարդ սպանվել է, 14000–ը՝ վիրավորվել[1]։ 1936 թ․–ին օրենք ընդունվեց, որի համաձայն պետք է կառուցվեր պատերազմի զոհերի հիշատակին նվիրված համազգային հուշարձան։ Սակայն շինարարությունը դադարեցվեց Էստոնիային խորհրդայնացման հետևանքով։ 1991 թ․–ին ԽՍՀՄ–ից անկախանալուց հետո հուշարձանի կառուցման հարցը կրկին մտավ օրակարգ։ 2005 թ․–ի գարնանը Ռիյգիկոգուն որոշում է, որ անկախության սյունը պետք է վեր խոյանա Տալլինի Ազատության հրապարակում։ 2006 թ․–ին հուշարձանի կառուցման մրցույթում 40 նախագիծ է ստացվել, որոնցից հաղթող է ճանաչվել է Ռայներ Ստենֆելդի, Անդրի Լաիդրեի, Կադրի Կիհոյի, Անտո Սավիի «Լիբերտաս» (Libertas) նախագիծը։ Իսկ կապալառուի ընտրության մրցույթում հաղթող է ճանաչվել Celander Ehitus OÜ շինարարական կազմակերպությունը։
Պատկերասրահ խմբագրել
Արտաքին հղումներ խմբագրել
Ծանոթագրություններ խմբագրել
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Էստոնիայի անկախության հաղթանակի սյուն կատեգորիայում։ |
- ↑ ««Փաստեր մասին Անկախության պատերազմ»». Տալլին: Էստոնիայի պատերազմի թանգարան,. Արխիվացված է օրիգինալից 2009 թ․ օգոստոսի 29-ին. Վերցված է 2013 թ․ դեկտեմբերի 7-ին.
{{cite web}}: CS1 սպաս․ հավելյալ կետադրություն (link)