Էդվարդ Մորդեյք
Էդվարդ Մորդեյք (անգլ.՝ Edward Mordake); ինչպես նաև Էդվարդ Մորդրեյք (անգլ.՝ Edward Mordrake; 1887 - 1910), քաղաքային լեգենդի հերոս, 19-րդ դարում Անգլիայի բարձր ազնվականության ժառանգ, որը գլխի հետևում ունեցել է լրացուցիչ դեմք։ Այն չի կարողացել խոսել կամ ուտել, բայց կարողացել է ծիծաղել և լաց լինել։ Մորդեյքը բժիշկներից խնդրել է հեռացնել իր երկրորդ «դիվային գլուխը», քանի որ այն գիշերները հանգիստ չի թողել և սարսափելի անհանգստություն է պատճառել նրան։ Սակայն բժիշկներից ոչ մեկը չի համարձակվել կատարել այդ վիրահատությունը։ 23 տարեկան հասակում Էդվարդը ինքնասպանություն է գործել[1]։ Այդ ֆիզիկական հիվանդությունն են ունեցել Չան Ցուպին (անգլ.՝ Chang Tzu Ping) և Պասկալ Պինոնը։
Էդվարդ Մորդեյք | |
---|---|
Տեսակ | գրական հերոս, գեղարվեստական անձ և Քաղաքային լեգենդ |
Սեռ | արական |
Ծնվել է | 1887 |
1977 թվականի հրատարակված հավելյալ վերջույթներ կամ մատեր ունեցող տաս մարդկանց ցուցակում գրվել են նաև Պինոնի և Մորդրեյքի անունները[2]։
Առաջին հայտնի հիշատակությունը Մորդրեյքի մասին հանդիսանում է 1895 թվականի «Բոստոն Փոստ» թերթի «Ներկայիս գիտության հրաշքները» հոդվածը։ Դրա հեղինակը եղել է ֆանտաստիկ գրող Լոտին Հիլդրեթը։
Բժշկության անկանոնություններ և տարօրինակություններ խմբագրել
Ներկայացված է 1896 թվականի հրատարակության «Բժշկության անկանոնություններ և տարօրինակություններ» գրքում։ Այնտեղ արձանագրված է մեկ տարօրինակ դեպք։
Կերպարը մասսայական մշակույթում խմբագրել
- Թոմ Ուեյթսը իր Alice ալբոմի համար երգ է գրել Էդվարդ Մորդրեյքի մասին՝ «Աղքատ Էդվարդ» վերնագրով[3][4]։
- Էդվարդ Մորդրեյքի կերպարը հայտնվել է 2014 թվականի «Ամերիկյան սարսափ պատմություն» ֆիլմի 4-րդ եթերաշրջանում։ Սյուժեի համաձայն Մորդրեյքը համարվում է այն ոգին, որն իր հետ տանում է այն մարդկանց, որոնք համարձակվում են երգել Հելոուինի ժամանակ։
- 2019 թվականի օգոստոսին SCROWS խումբը գրել է «Ed» երգը, որը նվիրված է Էդվարդ Մորդրեյքին։
Ծանոթագրություններ խմբագրել
- ↑ Anomalies and Curiosities of Medicine, pp. 188—189. George M. Gould, Walter L. Pyle. Kessinger Publishing. ISBN 978-0-7661-3211-5 (2003)
- ↑ The People’s almanac presents the book of lists, p. 314. David Wallechinsky, Irving Wallace, Amy Wallace. Morrow. ISBN 978-0-688-03183-1 (1977)
- ↑ YouTube — Tom Waits — Poor Edward
- ↑ Hoskyns, Barney (2009), Lowside of the Road: A Life of Tom Waits, Random House, էջ 405, ISBN 978-0-7679-2709-3
Արտաքին հղումներ խմբագրել
- «Edward Mordake – 'Poor Edward'». J. Tithonus Pednaud. Արխիվացված օրիգինալից 2012 թ․ մայիսի 26-ին. Վերցված է 2008 թ․ նոյեմբերի 11-ին.