Էդգար Տեր-Ղազարյան
Էդգար Ղազարի Տեր-Ղազարյան (ապրիլի 27, 1912, Բաքու, Ռուսական կայսրություն - մարտի 19, 1961, Երևան, Հայկական ԽՍՀ, ԽՍՀՄ), հայ խորհրդային քիմիկոս-տեխնոլոգ, ՀԽՍՀ ԳԱ թղթակից անդամ (1960)։ ԽՄԿԿ անդամ 1949 թվականից։
Էդգար Տեր-Ղազարյան | |
|---|---|
| Ծնվել է | ապրիլի 27, 1912 Բաքու, Ռուսական կայսրություն |
| Մահացել է | մարտի 19, 1961 (48 տարեկան) Երևան, Հայկական ԽՍՀ, ԽՍՀՄ |
| Քաղաքացիություն | .svg){kind=small} Ադրբեջան |
| Մասնագիտություն | քիմիկոս |
| Անդամակցություն | ՀՀ ԳԱԱ |
| Կուսակցություն | ԽՄԿԿ |
| Հայր | Ղազար Տեր-Ղազարյան |
Ղ․ Գ․ Տեր-Ղազարյանի որդին։
Կենսագրություն խմբագրել
Ավարտել է Թիֆլիսի քիմիական տեխնիկումը (1929)։ Աշխատել է Բերեզնիկիում, ապա Ղարաքիլիսայի ազոտային պարարտանյութերի գործարանում։ 1936 թվականից ղեկավարել է Երևանի սինթետիկ կաուչուկի գործարանի նախագծման աշխատանքները։ 1944-1946 թվականներին Դյուպոն ֆիրմայի ձեռնարկություններում (ԱՄՆ) ուսումնասիրել է սինթետիկ կաուչուկի արտադրության առանձնահատկությունները։
Տեր-Ղազարյանն աշխատել է նիկոտինի (Բաբուշկինո, 1938-1939), սինթետիկ կաուչուկի (Երևան, 1943-1953, Սումգաիթ, 1953-1957) գործարաններում որպես գլխավոր ինժեներ։ Տեր-Ղազարյաի ղեկավարությամբ է իրականացվել Երևանի սինթետիկ կաուչուկի գործարանի վերակառուցումը, ներդրվել քլորապրենի արտադրության երկփուլ ռեկտիֆիկացման, քլորբենզոլի անընդհատ ստացման եղանակները և էմուլսիոն պոլիմերացման պրոցեսի ներդրումը արտադրության մեջ։ Քլորբենզոլի ստացման եղանակը ներդրվել է նաև Չինաստանում, Լեհաստանում և ԽՍՀՄ այլ գործարաններում։ 1957 թվականներին նշանակվել է քիմիական արդյունաբերության և գունավոր մետալուրգիայի արտադրական պրոցեսների ավտոմատացման ԳՀԻ-ի (Վանաձոր) տնօրեն 1960 թվականից՝ ՀԽՍՀ Ժողտնտխորհի նախագահի առաջին տեղակալ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 673)։ 
|
|
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |