Զինվորական գերեզմանատուն № 109 (Բեչ)

Փոքրլեհական վոևոդության մշակութային հուշարձան։ Գրանցման համար՝ A-403/M

Զինվորական գերեզմանատուն № 109
Տեսակ	գերեզմանատուն
Տեղագրություն	Բեչ
Երկիր	Լեհաստան
Առաջին հիշատակում	1915
Հիմնման տարի	1915
Ժառանգության կարգավիճակ	անշարժ հուշարձան

Արտաքին պատկերներ
	Գերեզմանատունը

Զինվորական գերեզմանատուն № 109 (Բեչ) (լեհ.՝ Cmentarz wojenny nr 109 - Biecz), զինվորական գերեզմանատուն, գտնվում է Փոքրլեհական վոևոդության Գորլիցյան շրջանի Բեչ քաղաքում։ Գերեզմանատունը մտնում է Առաջին աշխարհամարտի տարիների Արևմտագալիցյան զինվորական դամբարանների խմբի մեջ։ Գերեզմանատանը թաղված են Ավստրո-Հունգարական, Գերմանական և Ռուսական բանակների զինծառայողներ, ովքեր զոհվել են Առաջին համաշխարհային պատերազմի ժամանակ՝ 1915 թվականին։ Փոքրլեհական վոևոդության պահպանվող հուշարձան է։

Պատմություն

Գերեզմանատունը կառուցվել է 1915 թվականին  Կրակովի զինվորական դամբարանների և ռազմական պարետատան դեպարտամենտի կողմից, ավստրիացի ճարտարապետ Հանս Մայրի նախագծով։ Գերեզմանատանը գտնվում են 40 եղբայրական և 51 անհատական գերեզմաններ, որոնցում թաղված են 126 ավստրիացի և 137 ռուս զինվորներ։

2009 թվականի հոկտեմբերի 26-ին գերեզմանատունը ներառվել է Փոքրլեհական վոևոդության հուշարձանների ռեեստրի մեջ  (№ А-403/М).

Նկարագրություն

Գերեզմանատունը գտնվում է քաղաքի հրշեջ մասին անմիջական հարևանությամբ դեպի Յասլո քաղաք գնացող ճանապարհի ձախ կողմում։ Գերեզմանատունն ունի հաստ պատեր և մուտքի կիսաշրջանաձև բաստիոններ։ Ճարտարապետական նմանատիպ տարրեը բնորոշ են քանդակագործ Հանս Մայրի ստեղծագործական ոճին։ Ներկայումս ազատ մուտքը գերեզմանատուն դժվար է՝ մշտապես փակ դարպասների պատճառով։ Դամբարանը սաստիկ ավերված է և գտնվում է բավականին անմխիթար վիճակում։ Գերեզմանատանը չեն պահպանվել մետաղական օրիգինալ խաչերը, որոնք կամ հեռացվել են վերականգնողական աշխատանքների ժամանակ կամ գողացվել են։

Աղբյուրներ

• Oktawian Duda: Cmentarze I wojny światowej w Galicji Zachodniej. Warszawa: Ośrodek Ochrony Zabytkowego Krajobrazu, 1995. ISBN 83-85548-33-5.
• Roman Frodyma Galicyjskie Cmentarze wojenne t. I Beskid Niski i Pogórze (Okręgi I—IV), Oficyna Wydawnicza «Rewasz», Pruszków 1998.

Արտաքին հղումներ

• Cmentarz wojenny nr 109 — Biecz Արխիվացված 2017-04-25 Wayback Machine (լեհ.)
• Метрика кладбища (լեհ.)