Զավեն Կիրակոսյան
- Վիքիպեդիայում կան հոդվածներ Կիրակոսյան ազգանունով այլ մարդկանց մասին։
Զավեն Թադևոսի Կիրակոսյան (մարտի 31, 1936, Կահիրե, Եգիպտոս), ֆիզիկոս, Ֆիզիկա-մաթեմատիկական գիտությունների դոկտոր (1962)։
Զավեն Կիրակոսյան | |
---|---|
Ծնվել է | մարտի 31, 1936 (88 տարեկան) Կահիրե, Եգիպտոս |
Մասնագիտություն | ֆիզիկոս |
Ալմա մատեր | Կալիֆոռնիայի համալսարան, Բերքլի (1956) |
Գիտական աստիճան | ֆիզիկամաթեմատիկական գիտությունների դոկտոր (1962) |
Կենսագրություն խմբագրել
1956 թվականին ավարտել է Կալիֆոռնիայի Բերկլիի համալսարանը։ 1956-1962 թվականներին աշխատել է նույն համալսարանում, 1963-1970 թվականներին՝ Ստենֆորդի համալսարանի գծային արագացուցչի կենտրոնում, 1970-1978 թվականներին՝ նույն համալսարանի բարձր էներգիաների ֆիզիկայի և միկրոալիքային ճառագայթման լաբորատորիայում։ 1979-1994 թվականներին՝ ԱՄՆ-ի ՊՆ ավիատիեզերական ընկերության պաշտպանական տեխնոլոգիաների մշակումների տնօրեն, 2005 թվականից՝ ՀՀ-ում իր հիմնադրած գիտաարտադրական խորհրդի նախագահ։
Աշխատանքները վերաբերում են տարրական մասնիկների հայտնաբերման, բարձր էներգիաների ֆիզիկայի գերզգայուն սարքավորումների և սարքերի, պաշտպանական տեխնոլոգիաների (հեռահաս գերհզոր լազերներ, միկրոալիք հզոր ճառագայթիչներ) մշակման, խիտ պրոտոնային և էլեկտրոնային արագացուցիչների, միջուկային էներգետիկ աղբյուրների ստացման, ռադիոակտիվ թափոնների և աշխատած միջուկային վառելիքի մշակման հարցերին[1]։
Ծանոթագրություններ խմբագրել
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.