Երվանդ Արյան

Երվանդ Արյան (Գասպարյան, 1894, Սեբաստիա - 1931, Փարիզ, Փարիզի շրջան ), հայ նկարիչ։

Երվանդ Արյան
Ծնվել է	1894
Ծննդավայր	Սեբաստիա
Վախճանվել է	1931
Մահվան վայր	Փարիզ, Փարիզի շրջան
Մասնագիտություն	նկարիչ

Կենսագրություն

Սովորել է Կ.Պոլսի գեղարվեստական վարժարանում։ Առաջին համաշխարհային պատերազմի շրջանում անցել է Կիպրոս, այնտեղից Կահիրե և որպես դասատու պաշտոնավարել Գալուստյան վարժարանում։ Ապա մեկնել է Գերմանիա և Ֆրանսիա, կատարելագործվել նկարչության ասպարեզում։ Մասնակցել է Փարիզի «անկախներ» հորջորջմամբ հանդես եկող նկարիչների ցուցահանդեսին։ Նրա արվեստը գերազանցապես ներշնչված է հայ կյանքով ու կենցաղով։ Նկարներից հիշատակության արժանի են «Հայ պառավը», «Կովկասյան թառիստը», «Արևելքի ծաղիկը», «Բոհեմուհին» և այլն։ Մահացել է Փարիզում Շառիթեյի հիվանդանոցում 1931 թվականին 37 տարեկանում։