Եվրոպայի հրապարակ (Երևան)
Եվրոպայի հրապարակ, հրապարակ Երևանի Կենտրոն վարչական շրջանում՝ Հյուսիսային պողոտայում։
| Եվրոպայի հրապարակ | |
|---|---|
 | |
| Երկիր |  Հայաստան |
| Տեղագրություն | Երևան |
Պատմություն խմբագրել
Հրապարակը հիմնադրվել է Եվրոպայի խորհրդի հիմնադրման 70-ամյակի առթիվ[1]։ Հրապարակի ստեղծման առաջարկը Երևանի քաղաքապետարան են ներկայացրել ՀՀ արտաքին գործերի նախարարությունը և Եվրոպայի խորհրդում Հայաստանի մշտական ներկայացուցիչ, դեսպան Պարույր Հովհաննիսյանը[2]։ Առաջարկում նշված է.
|
Եվրոպայի խորհրդի հիմնադրման 70-ամյակի առթիվ, ԵԽ քարտուղարությունն առաջարկների ծրագիր է մշակել՝ անդամ պետություններում կազմակերպության 70-ամյա հոբելյանի կապակցությամբ Եվրոպայի խորհրդի անունով անվանակոչել որևէ փողոց, հրապարակ, այգի կամ պուրակ։ Հաշվի առնելով ԵԽ-ի հետ Հայաստանի արդյունավետ և օրինակելի համագործակցությունը՝ Հայաստանի կողմից այս առաջարկը կյանքի կոչելը ԵԽ-ին և դրա արժեքներին մեր երկրի հավատարմության վերահաստատման կարևոր վկայություն կհանդիսանա[2]։ | 
|
Անվանակոչման որոշումը[3] Երևանի ավագանին կայացրել է 2019 թվականի մարտի 19-ին՝ 42 կողմ, 0 դեմ, 2 ձեռնպահ ձայնով[1]։
500 մետր երկարությամբ Հյուսիսային պողոտայի շրջանաձև այս հրապարակը կառուցվել է 2001-2007 թվականներին։ Նախագծի վրա աշխատել է ճարտարապետների հեղինակային խումբը՝ Նարեկ Սարգսյանի ղեկավարությամբ։ Հրապարակը գտնվում է պողոտայի կենտրոնական հատվածում՝ ցայտաղբյուրների մոտ, շրջապատված բնակելի շենքերով, առևտրի և սպասարկման կենտրոններով։ «Եվրոպայի հրապարակ» անվանումով ցուցանակն ամրացված է սյուներից մեկի վրա[1]։ Պաշտոնական արարողության ժամանակ Երևանի քաղաքապետ Հայկ Մարությանը ԵԽԽՎ նախագահ Լիլիան Մորի Պասկիեի հետ միասին բացել են հրապարակի անվանմամբ ցուցատախտակը[4]։
Ծանոթագրություններ խմբագրել
- ↑ 1,0 1,1 1,2 Եվրոպայի հրապարակ՝ Երևանի կենտրոնում
- ↑ 2,0 2,1 Հյուսիսային պողոտայի մի հատվածը կանվանակոչվի Եվրոպայի հրապարակ
- ↑ «ՀՀ Երևան քաղաքի ավագանի։ ՈՐՈՇՈՒՄ Երևան քաղաքում Եվրոպայի հրապարակ անվանակոչելու մասին» (PDF).
- ↑ «Երևանում բացվել է Եվրոպայի հրապարակը». www.yerevan.am. Վերցված է 2019 թ․ հունիսի 21-ին.