Ելիզավետա Կրասնուշկինա
Ելիզավետա Զախարևնա Կրասնուշկինա (ռուս.՝ Елизаве́та Заха́рьевна Красну́шкина, 1856, Տագանրոգ, Դոնի զորքի մարզ, Ռուսական կայսրություն - 1912, Իտալիա), ռուս նկարիչ, փորագրանկարի վարպետ։
Ելիզավետա Կրասնուշկինա | |
|---|---|
.jpg) | |
| Ծնվել է | 1856 |
| Ծննդավայր | Տագանրոգ, Դոնի զորքի մարզ, Ռուսական կայսրություն |
| Վախճանվել է | 1912 |
| Մահվան վայր | Իտալիա |
| Քաղաքացիություն |  Ռուսական կայսրություն |
| Կրթություն | Սանկտ Պետերբուրգի գեղարվեստի ակադեմիա |
| Մասնագիտություն | նկարչուհի |
| Ժանր | գրաֆիկա |
Կենսագրություն խմբագրել
Ելիզավետա Կրասնուշկինան ծնվել է 1858 թվականին Տագանրոգում, ժառանգական Տագանրոգի պատվավոր քաղաքացի, գնդապետ Զախարիա Եգորևիչ Կրասնուշինկայի (1816-1892) ընտանիքում (թոշակի անցած գեներալ-մայոր)[1][2]։ Տունը, որտեղ ապրել է Կրասնուշկինան, պահպանվել է առ այսօր։
Գեղարվեստական կրթություն ստացել է Պետերբուրգի գեղարվեստի կայսերական ակադեմիայում, ուր ընդունվել է 1876 թվականին[2]։ Վիկտոր Բոբրովի և Լև Դմիտրիև-Կովկասցու ղեկավարությամբ զբաղվել է փորագրանկարչությամբ և օֆորտով։ Փորագրանկարների իր ալբոմը նվիրել է կայսր Ալեքսանդր III-ին, ինչի համար ստացել է բարձր պարգև։ Նրա մեկ այլ ալբոմ գնել է Էրմիտաժը[2]։
Կրասնուշկինայի ճակատամարտային նկարչության ուսուցիչն է եղել Բոգդան Վիլլեվալդեն։ Կրասնուշկինայի ստեղծագործությունները ցուցադրվել են Պետերբուրգի գեղարվեստի կայսերական ակադեմիայում և Պետերբուրգի նկարիչների միությունում։ 1882 թվականից զբաղվել է օֆորտային (eau-forte) փորագրությամբ։ 1904 թվականին Մոսկվայում ներկայացվել են Կրասնուշկինայի երեք նկարները` «Գուդոշնիկը Պոմպոյում», «Կազակների զորախաղեր» և «Հետախուզման մեջ» (իտալական ժողովրդական կյանքից)[2]։
1893 թվականից Ելիզավետա Կրասնուշկինան ապրել է Հռոմում, որտեղ ունեցել է իր արվեստանոցը (այլ տվյալներով Հռոմում ապրել է 1897 թվականից[3]): Պարբերաբար մասնակցել է Հռոմում կազմակերպված ցուցահանդեսներին։ Ցուցահանդեսներից մեկում ներկայացվել է նաև նրա աշխատանքներից մեկը, որն արժանացել է թագավորական զույգի ուշադրությանը. դա «Կազակներ» փորագրանկարն է։ Փորագրանկարը ձեռք է բերել Իտալիայի թագավոր Վիկտոր Էմանուիլ II-ը[2]։
Ելիզավետա Կրասնուշկինայի ստեղծագործությունները գտնվում են Էրմիտաժում, Սանկտ Պետերբուրգի Ռուսական թանգարանում, Մոսկվայի Պուշկինի անվան Կերպարվեստի թանգարանում։
Պարգևներ խմբագրել
Պարգևատրվել է չորս արծաթե մեդալներով` ձիերի մեծ և փոքր Էսքիզների համար, որոնք գտնվել են ակադեմիական ցուցահանդեսում 1881 թվականին և երկու փոքր մեդալով էսքիզի և նկարչության համար։
Ծանոթագրություններ խմբագրել
- ↑ Гаврюшкин, Олег Павлович Вдоль по Питерской. Хроника обывательской жизни. - Таганрог: БАННЭРплюс, 2000. - 436 с.
- ↑ 2,0 2,1 2,2 2,3 2,4 Емельянов, Сергей Николаевич Художница Краснушкина // www.proza.ru. - 2009. - 13 апр.
- ↑ Краснушкина Елизавета Захарьевна // Донская энциклопедия. — Таганрогː Айкен, 2015. — Т. 1. — С. 409. — ISBN 978-5-900948-17-1.