Գրո
Գրո (Տեր Տակոբյան Գրիգոր Աբրահամի) (փետրվարի 5, 1887, Նախիջևան, Երևանի նահանգ, Ռուսական կայսրություն - 1969, Երևան), հայ խորհրդային հոգեբույժ։ Պրոֆեսոր (1936)։
Ծնվել է | փետրվարի 5, 1887 |
---|---|
Ծննդավայր | Նախիջևան, Երևանի նահանգ, Ռուսական կայսրություն |
Մահացել է | 1969 |
Կենսագրություն խմբագրել
Սկզբնական կրթությունն ստացել է Նախիջևանում։ 1905 թվականին ավարտել է Երևանի գիմնազիան և ընդունվել Մոսկվայի համալսարանի բնագիտության ֆակուլտետը։ 1906 թվականին տեղափոխվել է Օդեսայի համալսարանի բժշկական ֆակուլտետը, որն ավարտել է 1912 թվականին և աշխատել Մոսկվայի համալսարանի նյարդային հիվանդությունների կլինիկայում։ 1925 թվականին վերադարձել է Երևան, նշանակվել հոգեբուժական հիվանդանոցի վարիչ, ապա՝ հոգեբուժական կլինիկայի տնօրեն։ Հետագայում ղեկավարել է մանկական լոգոպեդիայի, այնուհետև՝ հոգեբուժական կաբինետները։ Գրոյի աշխատանքները նվիրված են բազեդովյան հիվանդության, մանկական սպաստիկ լուծանքի, մալարիայի, շիզոֆրենիայի կլինիկայի և բուժման հարցերին։ Գրոն կազմել է նյարդաբանական տերմինների առաջին հայերեն բառարանը (լույս է տեսել 1936 թվականին)։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 232)։ |