Գրիգոր Սաթամյան

Գրիգոր Սաթամյան
Ծնվել է	դեկտեմբերի 8, 1940 (83 տարեկան)
Ծննդավայր	Բեյրութ, Լիբանան
Քաղաքացիություն	Լիբանան և ԱՄՆ
Մասնագիտություն	դերասան, ռեժիսոր և թարգմանիչ
Պարգևներ և մրցանակներ	Սուրբ Սահակ-Սուրբ Մեսրոպ շքանշան

Գրիգոր Սաթամյան (դեկտեմբերի 8, 1940(1940-12-08), Բեյրութ, Լիբանան), հայ դերասան, ռեժիսոր, թարգմանիչ։

Կենսագրություն խմբագրել

Ծնվել է 1940 թվականի դեկտեմբերի 8-ին, Լիբանանի մայրաքաղաք Բեյրութում^[1]։ Կրթությունը ստացել է Հովակիմյան-Մանուկյան վարժարանում, ինչպես նաև Ամերիկյան համալսարանում։ Մասնագիտական կրթությունը ստացել է Լոնդոնի Բրիստալ Օլդ Վիկ և կինոարվեստի դպրոցներում, 1964-1968 թվականներին։ Բացի ուսում ստանալուց` մասնակցել է Լոնդոնի Հայ երիտասարդաց թատերախմբի և Արքունական թատրոնի ներկայացումներին։

1968-ից սկսել է աշխատել Բեյրութի հայ երիտասարդաց միության «Վահրամ Փափազյան» թատերախմբում։ Պ. Ֆազլյանից հետո թատերախումբն սկսել է ղեկավարել Սաթամյանը։ 1976 թվականին տեղափոխվել է Ամերիկա, որտեղ շարունակել է թատերական գործունեությունը^[2]։

Գրիգոր Սաթամյանի բեմական գործունեության 40-ամյակը նշվել է 2002 թվականին, Փասադինայում։ Գրիգոր Սաթամյանը Հայկական Բարեգործական Ընդհանուր Միության Արևմտյան Ամերիկայի գեղարվեստական ղեկավարն է և գաղութում գործող միակ կայուն «Սաթամյան» թատերախմբի գեղարվեստական ղեկավարը^[3]։

Ստեղծագործական կյանք խմբագրել

Թատերական գործունեությունն սկսել է Բեյրութի Հայ երիտասարդաց միության «Վահրամ Փափազյան» թատերախմբում, նաև ղեկավարել է այն։ Անգլերենով բեմադրություններ է արել նաև Ամերիկյան համալսարանում։ Թատերախումբը 1972 թվականին մասնակցել է հյուրախաղերի Հայաստանում` Երևանում, Արտաշատում, Լենինականում, էջմիածնում և այլ վայրերում։ Բեմադրել է պիեսներ, որոնք շատ են սիրվել հանդիսատեսի կողմից։

1976 թվականին Սաթամյանը Լիբանանի քաղաքական իրադարձությունների պատճառով տեղափոխվել է Ամերիկա։ Նյու Յորքում, Բոստոնում, Դիտրոյթում, Ֆիլադելֆիայում կազմակերպել է տարբեր թատերախմբեր, անցկացրել է տարբեր հայերեն շաբաթական հեռուստահաղորդումներ վարել, խաղացել է տարբեր դերեր։ Ներկայացումներ է բեմադրել «Արտավազդ» թատերախմբի հետ։ Հյուրախաղերի է մասնակցել նաև Կանադայում։

Դերեր խմբագրել

«Ժայռ»՝ Արշակ
«Ժորժ Դանդեն»՝ Քլեանդր
«Արջ»՝ Լուկա
«Բազում աղմուկ վասն ոչնչի»՝ Բենեդիկտ
«Կասկածը կնոջ մտքին մեջ»` Քամիյ
«Մեծապատիվ մուրացկաններ»` Աբիսողոմ աղա
«Չար ոգի»` Գիժ Դանիել

Բեմադրած ներկայացումներ խմբագրել

«Ստախոս կուզվի» («Պարոնյան» թատերախումբ, Բոստոն)^[4]
«Հացագործին կինը» («Արտավազդ» թատերախումբ, Լոս Անջելես, Մհեր Մկրտչյանի մասնակցությամբ)
«Մթին կատակերգություն» («Արտավազդ» թատերախումբ, Լոս Անջելես)
«Տիկնոջ հանգուցյալ մայրը» («Արտավազդ» թատերախումբ, Լոս Անջելես)
«Մեծ լռություն» («Արտավազդ» թատերախումբ, Լոս Անջելես)
«Արդյոք ո՞վ է մեռնողը» («Արտավազդ» թատերախումբ, Լոս Անջելես)
«Կորսված նամակ մը» («Արտավազդ» թատերախումբ, Լոս Անջելես)

Պարգևներ խմբագրել

2017 թվական, նոյեմբերի 1` Սբ. Սահակ, Սբ. Մեսրոպ շքանշան^[5]

Ծանոթագրություններ խմբագրել

↑ Բ. Հովակիմյան, Թատերական օրացույց, Երևան, 2010, էջ 86
↑ Նույն տեղում, էջ 86
↑ Հարցազրոյց Գրիգոր Սաթամեանի հետ(չաշխատող հղում)
↑ «ՀԲԸՄի «Գրիգոր Սաթամեան» Թատերախումբը Պիտի Ներկայացնէ «Ստախօսը» Կատակերգութիւնը». Արխիվացված է օրիգինալից 2018 թ․ նոյեմբերի 5-ին. Վերցված է 2020 թ․ ապրիլի 23-ին.
↑ Գրիգոր Սաթամեան՝ Ի Պատուի

[1] Բ. Հովակիմյան, Թատերական օրացույց, Երևան, 2010, էջ 86

[2] Նույն տեղում, էջ 86

[3] Հարցազրոյց Գրիգոր Սաթամեանի հետ(չաշխատող հղում)

[4] «ՀԲԸՄի «Գրիգոր Սաթամեան» Թատերախումբը Պիտի Ներկայացնէ «Ստախօսը» Կատակերգութիւնը». Արխիվացված է օրիգինալից 2018 թ․ նոյեմբերի 5-ին. Վերցված է 2020 թ․ ապրիլի 23-ին.

[5] Գրիգոր Սաթամեան՝ Ի Պատուի

[1]

[2]

[3]

[4]

[5]

Գրիգոր Սաթամյան
Ծնվել է	դեկտեմբերի 8, 1940(1940-12-08) (83 տարեկան)
Ծննդավայր	Բեյրութ, Լիբանան
Քաղաքացիություն	Լիբանան և ԱՄՆ
Մասնագիտություն	դերասան, ռեժիսոր և թարգմանիչ
Պարգևներ և մրցանակներ	Սուրբ Սահակ-Սուրբ Մեսրոպ շքանշան