Գյուղատնտեսական ասոցիացիաների ֆեդերացիա

«Գյուղատնտեսական ասոցիացիաների ֆեդերացիա» (ԳԱՖ), ստեղծվել է 2001թվականին Երևանում:

Նպատակ

Նպատակն անդամ կազմակերպությունների զարգացմանը, արտադրատեխնիկայի սպասարկմանը, արտադրանքի իրացմանը, կառավարման կատարելագործմանը, ինչպես նաև ագրարարային ոլորտի օրենսդրության բարեփոխմանն աջակցելն է։

Կիրառուրյուն

«Հազարամյակի մարտահրավերներ Հայաստան» հիմնադրամի աջակցությամբ Գյուղատնտեսական ասոցիացիաների ֆեդերացիան ներդրել է տեղեկատվական «ԱՐՄԻՍ» համակարգը, որը հնարավորություն է ընձեռում ֆերմերներին համացանցի կամ կարճ հաղորդագրությունների միջոցով տեղեկություն ստանալ գյուղմթերքների մեծածախ և մանրածախ գների մասին։ Գյուղաբնակ կանանց գործարար ակտիվության բարձրացման նպատակով կազմակերպվում են ձեռներեցության հմտությունների զարգացմանը նվիրված սեմինարներ, տարբեր միջոցներով ապահովվում է ազգային և միջազգային փորձին վերաբերող տեղեկույթի փոխանցում և այլն։ Ներկայում (2014) անդամակցում են 21 կոոպերատիվներ` շուրջ 1700 անդամներով։

Այս հոդվածի կամ նրա բաժնի որոշակի հատված վերցված է «Գյուղատնտեսական հանրագիտարանից», որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։