Գալերաս
Գալերաս (իսպ.՝ Galeras), հրաբուխ, գտնվում է Հարավային Ամերիկայում, Կոլումբիայի տարածքում, Պաստո քաղաքից ոչ հեռու։
| Գալերաս | |
|---|---|
.jpg) | |
| Տեսակ | լեռ և հրաբուխ |
| Երկիր |  Կոլումբիա |
| Վարչատարածքային միավոր | Նարինյո |
| Լեռնաշղթա | Կենտրոնական Կորդիլիերներ և Անդեր |
| Բարձրությունը ծովի մակարդակից | 4276 մետր |
| Պահպանման տարածք | Գալերաս Ֆաունայի և Ֆլորայի արգելավայր |
| Նյութ | անդեզիտ |
| Սմիթսոնիան կոդ | 351080 |
Հրաբխի բարձրությունը ծովի մակերեւույթից հասնում է 4276 մետրի, հիմքի տրամագիծը՝ ավելի քան 20 կիլոմետր է։ Հրաբխային խառնարանի տրամագիծը 320 մետր է, խառնարանի խորությունը՝ ավելի քան 80 մետր։
Երկրաբանների և հրաբխաբանների ենթադրությունների համաձայն, վերջին 7 հազար տարվա ընթացքում Գալերասում տեղի է ունեցել առնվազն վեց մեծ ժայթքում և բազմաթիվ փոքր ժայթքումներ։ Միայն XVI դարի ընթացքում այստեղ ավելի քան քսան ժայթքում է գրանցվել։ 1993 թվականին խառնարանում հետազոտական աշխատանքներ իրականացնելիս զոհվել է վեց հրաբխագետ և երեք զբոսաշրջիկ (այդ ժամանակ նույնպես ժայթքում է սկսվել)։ 2006 թվականի նոյեմբերին շրջակա ավաններից խոշոր ժայթքման սպառնալիքի պատճառով տարհանվել է ավելի քան 8 հազար բնակիչ։
2010 թվականի օգոստոսի 26-ին Կոլումբիայի իշխանությունները սկսեցին տարհանել Գալերաս հրաբխի մոտակայքում բնակվող շուրջ 9 հազար մարդու։ Տարածաշրջանում հայտարարվել է ամենաբարձր «կարմիր» աստիճանի տագնապ։ Այդ շրջան են ուղարկվել ավելի քան 400 ոստիկաններ՝ քաղաքացիական բնակչությանը օգնություն ցուցաբերելու համար։ Տարհանվածների ընդունման համար Էկվադորի հետ սահմանի մոտ գտնվող Պաստո քաղաքում ինը ապաստարան է պատրաստվել[1]
Գրանցված ժայթքումներ խմբագրել
Ծանոթագրություն խմբագրել
- ↑ 1,0 1,1 «Կոլումբիայի իշխանությունները մարդկանց տարհանում են Գալերաս հրաբխի ժայթքման պատճառով» (ռուսերեն). РИА Новости. 2010 թ․ օգոստոսի 26. Արխիվացված է օրիգինալից 2012 թ․ մարտի 19-ին. Վերցված է 2010 թ․ օգոստոսի 26-ին.
- ↑ «Կոլումբիայում տագնապ է հայտարարվել Գալերաս հրաբխի ժայթքման պատճառով». Независимая газета. 2009 թ․ փետրվարի 15. Արխիվացված է օրիգինալից 2011 թ․ սեպտեմբերի 21-ին.
- ↑ «Կոլումբիայում սկսվել է Գալերաս հրաբխի ժայթքումը». lenta.ru. Վերցված է 2020 թ․ սեպտեմբերի 2-ին.
 | Վիքիպահեստն ունի նյութեր, որոնք վերաբերում են «Գալերաս» հոդվածին։ |