Գագիկ Դանիելյան
Գագիկ Արմենի Դանիելյան (1994, հուլիսի 24, Արցախ, Ստեփանակերտ) հայ աճպարար, իլյուզիոնիստ, մենտալիստ։ Միջազգային իլյուզիոնիստների ֆորումի մրցանակակիր (3-րդ տեղ)[1]։
| Գագիկ Դանիելյան Գագիկ Արմենի Դանիելյան | |
|---|---|
| Ծնվել է | հուլիսի 24, 1994 (29 տարեկան) |
| Ծննդավայր | Ստեփանակերտ |
| Քաղաքացիություն |  Հայաստան |
| Ազգություն | հայ |
| Կրթություն | ՀՊՏՀ, Ֆինանսներ |
| Մասնագիտություն | ֆինանսիստ, հրաշագործ |
| Գործունեություն | իլյուզիոնիստ, մենտալիստ |
| Պարգևներ և մրցանակներ | Միջազգային իլյուզիոնիստների ֆորումի մրցանակակիր |
Կենսագրություն խմբագրել
Գագիկ Դանիելյանը ծնվել է 1994 թվականի հուլիսի 24-ին քաղաք Ստեփանակերտում։ Միջնակարգ կրթությունը նախ ստացել է Ստեփանակերտի թիվ 3 դպրոցում, այնուհետև ուսումը շարունակել է Ֆիզմաթ հատուկ դպրոցում։ Սովորելու հետ առընթեր նաև զբաղվել է սեղանի թենիսով։ Դպրոցն ավարտելուց հետո ընդունվել է ՀՊՏՀ, ֆինանսներ մասնագիտությամբ 2012-2016 թվականներին։ Աճպարարության հանդեպ սերն առաջացել է, երբ մի անգամ ներկա է գտնվել աճպարարական շոուին` հասկանալով, որ այս արվեստում անհնարինը դառնում է հնարավոր։ Վերջին տարիներին ավելի մասնագիտացվել է մենտալիզմով։ 2016 թվականին փետրվարի 24-ից 26-ը մասնակցել է ՌԴ-ի Սանկտ Պետերբուրգ քաղաքում կայացած իլյուզիոնիսների միջազգային ֆորումում(IFM 2016)՝ արժանանալով դիպլոմի, գավաթի և դրամական պարգևի[2]։ Համալսարանն ավարտելուց հետո՝ 2016-2018 թվականներին ուսումը շարունակել է ՀՊՏՀ-ի Հանրային ֆինանսներ բաժնում։ 2017 թվականի հոկտեմբերի 9-10 մասնակցել է ՌԴ-ի Մոսկվա քաղաքում կայացած Միջազգային իլյուզիոնիստների փառատոնին (RMC 2017): Գագիկ Դանիելյանը պարբերաբար կազմակերպում է մենտալ շոուներ։ 2019 թվականին հունվարի 28-ից 30-ը մասնակցել է ՌԴ-ի Սանկտ Պետերբուրգ քաղաքում կայացած իլյուզիոնիսների միջազգային ֆորումին։(IFM 2019)