Բերդավ
Բերդավ (ներկայում պաշտոնապես կոչվում է Բուդաքլը, թուրքերեն՝ Budaklı), նախկին հայկական բնակավայր ներկայիս Թուրքիայի Հանրապետության Բիթլիսի մարզում՝ Արծկե քաղաքից 21․6 կմ դեպի հյուսիս-արևելք։ Բնակավայրը ծովի մակերևույթից բարձր է 2050-2100 մ[1]։
Գյուղ | ||
---|---|---|
Բերդավ | ||
թուրքերեն՝ Budaklı / Բուդաքլը | ||
Երկիր | ![]() | |
Մարզ | Բիթլիսի մարզ | |
Բնակչություն | Քրդեր մարդ | |
|
Անվանում
խմբագրելԲնակավայրը տարբեր ժամանակներում հիշատակվել է Բերդավ, Բերտու, Բերդու, Պերտու, Պետու և Փետ անուններով[1]։
Պատմություն
խմբագրելԲերդավն ունի հին պատմություն, ինչի մասին վկայում են տարածքում գտնված նյութական, մշակութային հուշարձանները։Մասնավորապես պահպանված հուշարձանները վերաբերվում են 13-ից 16-րդ դարերին։ Գրավոր աղբյուրներում առաջին անգամ հիշատակվում է 1556 թվականի թուրքական հարկամատյանում[1][2]։
Ուսումնասիրողների պնդմամբ բնակավայրը հայաթափվել է 17-րդ դարի սկզբին, երբ պարսկական զորքերի նահանջի ժամանակ հայերը բռնագաղթվել են։ Այդ ժամանակաշրջանից ի վեր բնակավայրն, ըստ էության, այլևս հայերով չի բնակեցվել[1]։
Պատմամշակութային հուշարձաններ
խմբագրելԵկեղեցատեղի
խմբագրելԲնակավայրի տարածքում դեռևս 2013 թվականի դրությամբ նկատելի էին եկեղեցու հետքեր, մասնավորապես, առկա էին մի քանի ժայռախաչեր, ինչպես նաև եկեղեցու սրբատաշ մի քանի քար և սյան խարիսխ[1]։
Գերեզմանոց
խմբագրելԲերդավի հայկական գերեզմանոցը գտնվում է գյուղի հյուսիսային եզրին։ Գերեզմանոցի բոլոր հուշարձանները քուրդ բնակիչների կողմից օգտագործվել են որպես շինանյութ։ Այս պատճառով է, որ գյուղի տարբեր շինությունների պատերին հանդիպում են խաչքարեր կամ դրանց առանձին բեկորներ[1]։
Բնակչություն
խմբագրելՄինչև 17-րդ դարի սկիզբը Բերդավը եղել է հայկական բազմամարդ բնակավայր[1]։
2013 թվականի դրությամբ այնտեղ բնակվում էին 100 տուն քրդեր, ովքեր հանդիսանում էին շաֆիղի ճյուղի ներկայացուցիչներ[1]։
Ծանոթագրություններ
խմբագրել- ↑ 1,0 1,1 1,2 1,3 1,4 1,5 1,6 1,7 Սամվել ԿարապետյանԱրծկե, Հայաստանի պատմություն գրքաշար, Հատոր Գ, Երևան 2018 թվական, ISBN 978-9939-843-37-7։
- ↑ Orhan Kılıç, XVI. Yüzyılda Adilcevaz ve Ahlat (1534-1605).(թուրքերեն)