Բեյրութի պայթյուններ (2015)
2015 թվականի նոյեմբերի 12-ին, երկու մահապարտներ պայթյուններ իրականացրեցին Բեյրութի հարավային արվարձան Բուրջ էլ-Բարաջնեում, որը բնակեցված է հիմնականում շիաներով և կառավարվում է Հեզբոլլահի կողմից[1]։ Համաձայն տարբեր աղբյուրների՝ զոհերի թիվը տատանվում է 37-ից[2] 43[1][3][4]: Իրաքի և Լևանտի իսլամական պետությունը (ԻԼԻՊ) ստանձնել է պայթյունների ամբողջ պատասխանատվությունը[1][3]։
| Բեյրութի պայթյուններ | |
|---|---|
 | |
| Տեսակ | մահապարտ ահաբեկիչ և ահաբեկչական հարձակում պայթյունով |
| Երկիր |  Լիբանան |
| Տեղադրանք | Բուրջ ալ-Բարաջնե |
| Տարեթիվ | նոյեմբերի 12, 2015 |
| Զոհվածներ | 43 մարդ |
| Վիրավորներ | 240 |
Նախապատմություն խմբագրել
2011 թվականից Սիրիայի հարևան պետությունները գտնվում են քաղաքացիական պատերազմում։ Սիրիայի քաղաքացիական պատերազմի սկզբից լիբանանյան խմբերը, ինչպես Սիրիայում բաժանվել են երկու մասի՝ Սիրիայի պատերազմի մասնակիցներ (օրինակ՝ Հեզբոլլահը) և Լիբանանի ներքին պաշտպանությամբ զբաղվող խումբը։ 2014 թվականին Սիրիայի քաղաքացիական պատերազմին միջամտեց ԱՄՆ-ն, իսկ հաջորդ տարի՝ Ռուսաստանի Դաշնությունը։
Բացի այդ Լիբանանում քաղաքական վակուում է 2014 թվականի ապրիլից, քանի որ նախագահի ընտրությունը անընդհատ ձախողվում է[5]
Պայթյուններ խմբագրել
Ըստ Ալ-Մանար հեռուստաընկերության տվյալների Բեյրութի Բուրջ էլ Բարաջնե արվարձանում երկու պայթյուն է տեղի ունեցել՝ Հուսեինի փողոցի վրա գտնվող Անվտանգության գլխավոր գրասենյակի մոտ[6]։ Արվարձանը բնակեցված է հիմնականում շիաներով և կառավարվում Հեզբոլլահի կողմից[7]։ Առաջին պայթյունը տեղի է ունեցել շիաների մզկիթից դուրս, իսկ մյուսը՝ մոտիկ հացատանը մինչև ժամը 18։ 00-ն[8]։ Երկրորդ պայթյունը տեղի է ունեցել առաջինից 20 մետր հեռավորության վրա, 5[6]-7 րոպե հետո։ Երրորդ մահապարտը սպանվել է մինչև պայթյունը։ Ըստ Լիբանանի անվտանգության ծառայության՝ նրա ոտքերը կտրված էին, բայց նա դեռ կրում էր պայթուցիկների գոտին։
Համաձայն Լիբանանի առողջապահության նախարարության տվյալների՝ նվազագույնը 43 մարդ մահացել է և 239-ը վիրավորվել[9], բայց այս տվյալները փոխվելու են, քանի որ վիրավորների մեծ մասը կրիտիկական վիճակում են։ Ըստ Լիբանանի կարմիր խաչի ընկերության տվյալների՝ վիրավորների թիվը 200-ից ավելի է[8]։ Շրջանի հիվանդանոցները կոչ էին անում մարդկանց նվիրաբերել արյուն։ Շտապ օգնության ծառայության աշխատակիցները խնդրում էին ազատել փողոցները, որպեսզի վիրավորներին կարողանան արագ տեղափոխել բժշկական հաստատություններ[8]։
Զոհեր խմբագրել
Առաջին զոհերի մեջ էին Բեյրութի ամերիկյան համալսարանի երկու աշխատողներ[5], երեք լիբանանաամերիկացիներ Դիրբորն, Միչիգանից՝ 49-ամյա կին և մի երիտասարդ զույգ, որոնք զոհվել են, նրանց երեք տարեկան երեխան ծանր վնասվել է[10]։
Հաջ Հուսեին Յարին, որը Հեզբոլլահի անվտանգության համակարգի գլխավորներից էր, սպանվել է պայթյունի արդյունքում[11]։
Հայտնի է, որ ռումբերից մեկը պայթել է, երբ Բեյրութի բնակիչ Ադել Թերմոսը գրկել է մահապարտներից մեկին՝ սրանով փրկելով շատերի կյանքը։ Սոցիալական մեդիայում Թերմոսը հերոսացվել է[12]։
Հետաքննություն խմբագրել
Երկու օրվա ընթացքում պայթյունների կազմակերպման մեղադրանքով ձերբակալվել է վեց մարդ, որոնցից 5-ը սիրիացի է, մեկը՝ պաղեստինցի[13]։ Լիբանանի Հեզբոլլահի գլխավոր Հասան Նասրալլահը ասել է, որ պայթյունները կազմակերպելու մեղադրանքով ձերբակալվել են լիբանանցիներ և սիրիացիներ[14]։
Հանցագործ խմբագրել
ԻԼԻՊ-ը վերցրել է պայթյունների կազմակերպման պատասխանատվությունը[1][3]։ ԻԼԻՊ-ը իր Թվիթերի գրառման մեջ ասում է՝ «Թող շիաներն իմանան, որ մենք չենք հանգստանա, մինչև Մուհամեդի անունով վրեժ չլուծենք»[5]։ Համացանցում նշված է նաև, որ հարձակվողները «Խալիֆատության զինվորներն են»[15]։
Տես նաև խմբագրել
Ծանոթագրություններ խմբագրել
- ↑ 1,0 1,1 1,2 1,3 Barnard, Anne; Saad, Hwaida (12 November 2015).
- ↑ "Beirut attacks: Suicide bombers kill dozens in Shia suburb".
- ↑ 3,0 3,1 3,2 "ISIS claims responsibility for Beirut southern suburb attack" Արխիվացված 2017-10-12 Wayback Machine.
- ↑ "Day of mourning in Lebanon after deadly Beirut bombings".
- ↑ 5,0 5,1 5,2 "43 killed, 239 wounded in Beirut twin blasts; Islamic State claims responsibility".
- ↑ 6,0 6,1 "44 killed as Daesh bombings hit Beirut" Արխիվացված 2015-11-16 Wayback Machine.
- ↑ Naylor, Hugh (12 November 2015).
- ↑ 8,0 8,1 8,2 "Over 40 killed, dozens wounded as twin suicide bombings rock Beirut".
- ↑ 3 Dearborn victims of Lebanon terror attacks mourned, Detroit News, November 14, 2015
- ↑ Yashar, Ari (13 November 2015).
- ↑ http://www.pri.org/stories/2015-11-13/fathers-split-second-decision-during-bombings-beirut-saved-countless-lives
- ↑ «Արխիվացված պատճենը». Արխիվացված է օրիգինալից 2015 թ․ նոյեմբերի 16-ին. Վերցված է 2015 թ․ նոյեմբերի 16-ին.
- ↑ Bassam, Leila (14 November 2015).
- ↑ "Twin 'IS' blasts kill 41 in Beirut". 9 News.