Բեթհովենի համերգը
«Բեթհովենի համերգը» (ռուս.՝ «Концерт Бетховена»), խորհրդային մանկական գեղարվեստական ֆիլմ[1]։
 ռուս.՝ Концерт Бетховена | |
|---|---|
| Երկիր | .svg){kind=small} ԽՍՀՄ |
| Ժանր | մանկական ֆիլմ |
| Թվական | 1936 |
| Լեզու | ռուսերեն |
| Ռեժիսոր | Վլադիմիր Շմիդտգոֆ և Միխայիլ Գավրոնսկի |
| Դերակատարներ | Մարկ Թայմանով և Վլադիմիր Գարդին |
| Կինոընկերություն | Բելառուսֆիլմ |
Սյուժե խմբագրել
Ֆիլմի գլխավոր հերոսները երաժշտական տաղանդ ունեցող երկու պատանի տղաներ են՝ Յանկա Մալևիչը և Վլադիկ Կորսակը Բելառուսից։ Յանկայի հայրը, որը երաժշտական մանկավարժ է, նրանց սովորեցնում է ջութակի նվագել և պատրաստվում է համամիութենական երաժշտական մրցույթի, որը պետք է տեղի ունենա Մոսկվայում։ Մի անգամ տղաները խաղում են, և Յանկան վնասում է ձեռքը. նա այլևս չէր կարող ջութակ նվագել։ Պրոֆեսորը, բարկանալով և՛ որդու, և՛ նրա ընկերոջ՝ իր երկրորդ աշակերտի վրա, դադարեցնում է նրանց հետ պարապմունքները։ Բայց նրանք չեն հանձնվում և սկսում են մեծահասակներից գաղտնի միասին պարապել։ Վլադիկը երաժշտություն է գրում, իսկ Յանկան, մեծ ցավ զգալով, շարունակում է ջութակ նվագել։ Տղաները ինքնուրույն գնում են մրցույթի, և այստեղ տեղի է ունենում անկանխատեսելին․ ընտրական հանձնաժողովը թույլ չի տալիս Վլադիկին մասնակցել՝ նրան համարելով վատ պատրաստված։ Բայց նրա ընկեր Յանկան, որին թույլ են տալիս մասնակցել մրցույթին, կատարում է Վլադիկի գրած ստեղծագործությունը և այնքան հաջող է նվագում, որ դառնում է մրցանակակիր, իսկ Վլադիկը՝ երաժշտության հեղինակը՝ կոմպոզիտորը՝ դառնում է դափնեկիր։ Այդպիսով երիտասարդ պիոներներն իրենց հաստատակամությամբ ու բարեկամությամբ հաղթում են և անախորժ հանգամանքներին, և ծնողների անվստահությանը։
Հատուկ ֆիլմի համար գրվել է հետագայում հայտնի դարձած «Эх, хорошо в стране советской жить!» երգը։
Դերերում խմբագրել
| Դերասան | Դեր |
|---|---|
| Մարկ Տայմանով[2][3][4] | Յանկա |
| Բորյա Վասիլև | Վլադիկ |
| Վլադիմիր Գարդին | պրոֆեսոր, երաժշտական մանկավարժ, Յանկայի հայրը |
| Ալեքսանդր Լարիկով | Վլադիկի հայրը |
| Անատոլի Կորոլկևիչ | դիրիժոր |
| Լյուդմիլա Շաբալինա | |
| Իսահակ Շվարց | |
| Ալեքսանդր Մելնիկով | ուղեկցորդ |
| Միրոն Պոլյակին[5] | հայտնի ջութակահար |
Նկարահանող խումբ խմբագրել
- Սցենարի հեղինակ՝ Բորիս Ստարշև (Պխոր)
- Ռեժիսորներ՝ Վլադիմիր Շմիդտգոֆ, Միխայիլ Գավրոնսկի
- Օպերատորներ՝ Վ. Գորելիկ, Ա. Ռոգովսկի, Լ. Ֆունշտեյն
- Կոմպոզիտոր՝ Իսահակ Դունաևսկի
- Արվեստագետներ՝ Վիկտոր Սավոստին, Վ. Պերվունին
Ֆիլմում խմբագրել
- Թողարկման ամսաթիվը՝ 23 մարտի, 1937 թվական։
- Տաղանդավոր ջութակահար տղայի դերի համար հրավիրվել է այն ժամանակ 10-ամյա երաժիշտ Մարկ Տայմանովը, որը հետագայում դարձել է հայտնի դաշնակահար ու շախմատիստ։ Ֆիլմում նրա խաղընկերներն են եղել ոչ միայն դրամատիկ դերասաններ էին, այլև իսկական երաժիշտներ։ Ֆիլմում նկարահանվել է հայտնի ջութակահար Միրոն Պոլյակինը, որն այն ժամանակ եղել է Մոսկվայի կոնսերվատորիայի պրոֆեսոր։
- Ֆիլմը մեծ հաջողություն է ունեցել և ցուցադրվել է արտերկրում։ Ինտորգկինոյի տվյալներով՝ նրա դրամարկղային հավաքները, այդ թվում՝ արտարժութային, հավասար են եղել «Չապաև» ֆիլմից ստացված հավաքներին, որը ճանաչվել է դրամարկղի ռեկորդակիրներից մեկը։
- Վեց շաբաթվա ընթացքում «Բեթհովենի համերգը» ֆիլմը անշլագով ցուցադրվել է Բրոդվեյում (Նյու Յորք, ԱՄՆ)։
- Ֆիլմն արժանացել է պատվավոր դիպլոմի Փարիզում անցկացված Համաշխարհային ցուցահանդեսում (Ֆրանսիա, 1937 թվական)։
Ծանոթագրություններ խմբագրել
- ↑ «Время новостей: No. 19, 05 февраля 2007 - Кино великого террора». vremya.ru. Վերցված է 2018 թ․ հուլիսի 12-ին.
- ↑ «Скончался легендарный советский шахматист Марк Тайманов — Происшествия, Новости России». EADaily. Վերցված է 2018 թ․ հուլիսի 12-ին.
- ↑ Алексей Громов. «Гроссмейстер Марк Тайманов скончался в Петербурге». nevnov.ru. Արխիվացված է օրիգինալից 2018 թ․ հուլիսի 12-ին. Վերցված է 2018 թ․ հուլիսի 12-ին.
- ↑ «Гроссмейстер Марк Тайманов скончался на 91-м году жизни - Новые Известия». newizv.ru. Վերցված է 2018 թ․ հուլիսի 12-ին.
- ↑ Концерт Бетховена (1937) Full Cast & Crew