Բաց գիրք (ֆիլմ, 1973)
«Բաց գիրք» (ռուս.՝ «Открытая книга»), 1973 թվականի խորհրդային երկսերիանոց գեղարվեստական ֆիլմ, որը նկարահանել է ռեժիսոր Վլադիմիր Ֆետինը «Լենֆիլմ» կինոստուդիայում Վենիամին Կավերինի համանուն վեպի հիման վրա[1]։
 ռուս.՝ Открытая книга | |
|---|---|
| Երկիր |  ԽՍՀՄ |
| Ժանր | դրամա |
| Թվական | 1973 |
| Լեզու | ռուսերեն |
| Ռեժիսոր | Վլադիմիր Ֆետին |
| Սցենարի հեղինակ | Վենիամին Կավերին |
| Օպերատոր | Եվգենի Շապիրո |
| Երաժշտություն | Վասիլի Սոլովյով-Սեդոյ |
| Կինոընկերություն | Լենֆիլմ |
Անվան այլ կիրառումների համար տե՛ս՝ Բաց գիրք (այլ կիրառումներ)
Սյուժե խմբագրել
Ֆիլմի գլխավոր հերոսուհին գյուղացի աղջիկ Տանյան է, հետագայում՝ պրոֆեսոր Տատյանա Վլասենկովան (նրա իրական նախատիպը Զինաիդա Երմոլևան է), որը կատարել է պենիցիլինի գյուտը։ Ֆիլմի գործողություններն սկսվում են նախքան Հոկտեմբերյան սոցիալիստական հեղափոխությունը գավառական Լոպախին քաղաքում, որտեղ նա ծանոթանում և մտերմանում է հետաքրքիր ընտանիքի հետ։ Ընտանիքի ղեկավարը՝ բժիշկ Պավել Պետրովիչ Լեբեդևը (իրական նախատիպ չունի), իր ամբողջ կյանքը հավատում էր բորբոսի բուժիչ հատկություններին և մահից հետո թողնում է բազմաթիվ գիտական գրքեր, որոնց ձեռքբերմանը Վլասենկովան նվիրում է իր կյանքի զգալի մասը։
Ֆիլմում մեծ ուշադրություն է դարձվում Վլասենկովայի անձնական հարաբերությունների զարգացմանը նույն ընտանիքի կրտսեր սերնդի՝ Դմիտրի և Անդրեյ եղբայրների հետ, որոնց նախատիպը Լև Զիլբերն է՝ Երմոլևայի ամուսինը, Վենիամին Կավերինի եղբայրը։
Դերերում խմբագրել
- Լյուդմիլա Չուրսինա - Տատյանա Վլասենկովա
- Անյա Ալեքսախինա - Տատյանա Վլասենկովան մանկության տարիներին
- Վլադիսլավ Դվորժեցկի - Դմիտրի Լվով
- Իգոր Դոբրյակով - Դմիտրի Լվովը երիտասարդության տարիներին
- Ալեքսանդր Դեմյանենկո - Անդրեյ Լվով
- Ֆեոդոր Նիկիտին - Պավել Պետրովիչ Լեբեդև
- Լյուդմիլա Գուրչենկո - Գլաֆիրա
- Վլադիսլավ Ստրժելչիկ - Կրամով
- Իգոր Դմիտրիև - Ռաևսկի
- Վացլավ Դվորժեցկի - Զաոզերսկի
- Կոնստանտին Զլոբին - Նիկոլսկի
- Լև Դուրով - Տանյայի հայրը
- Էլեոնորա Շաշկովա - Լենա Բիստրովա
- Նադեժդա Ռոմանինա - Մաշենկա
- Եֆիմ Կոպելյան - Մաքսիմով
- Լայմոնաս Նորեյկա - Վոլոդյա Լուկաշևիչ
- Վ․ Կամնև - Նորկրոս
- Օլեգ Եֆրեմով - Վիկտոր Մերզլյակով
- Գերման Խովանով - Վիշնյակով
- Լյուդմիլա Քսենոֆոնտովա - Մելկովա
- Միխայիլ Խրաբրով - Սկրիպաչենկո
Նկարահանող խումբ խմբագրել
- Սցենարի հեղինակներ՝ Վենիամին Կավերին, Նատալյա Ռյազանցևա
- Բեմադրությունը՝ Վլադիմիր Ֆետինի
- Գլխավոր օպերատոր՝ Եվգենի Շապիրո
- Գլխավոր նկարիչ՝ Սեմյոն Մալկին
- Ռեժիսորներ՝ Վ. Ստեպանով, Գ. Չեռնյաև
- Կոմպոզիտոր՝ Վ. Սոլովյով-Սեդոյ[2]
Տես նաև խմբագրել
- Բաց գիրք - այլ էկրանավորում (1977)
Ծանոթագրություններ խմբագրել
- ↑ «Բաց գիրք» ֆիլմը kino-teatr.ru կայքում
- ↑ «Բաց գիրք» ֆիլմը kinopoisk.ru կայքում