Բարև, ես եմ

«Բարև, ես եմ», 1965 թվականի «Հայֆիլմում» նկարահանված ֆիլմ, որը հիմնված է ֆիզիկոս Արտեմ Ալիխանյանի կենսագրության վրա։ Ֆիլմը մասնակցել է 1966 թվականի Կաննի կինոփառատոնին, ներկայացվել «Ոսկյա արմավենու ճյուղի», իսկ 1967 թվականին արժանացել է Հայկական ԽՍՀ պետական մրցանակի։

Բարև, ես եմ Բարև, ես եմ
Երկիր	ԽՍՀՄ
Ժանր	դրամա
Թվական	1966
Լեզու	հայերեն և ռուսերեն
Ռեժիսոր	Ֆրունզե Դովլաթյան
Սցենարի հեղինակ	Առնոլդ Աղաբաբով
Դերակատարներ	Արմեն Ջիգարխանյան, Ռոլան Բիկով, Նատալյա Ֆատեևա, Մարգարիտա Տերեխովա, Գալյա Նովենց, Ֆրունզե Դովլաթյան, Կլավդիա Կոզլենկովա, Ալևտինա Ռումյանցևա և Գարի Չերնյախովսկի
Օպերատոր	Ալբերտ Յավուրյան
Երաժշտություն	Մարտին Վարդազարյան
Պատմվածքի վայր	Հայաստան
Կինոընկերություն	Հայֆիլմ
Տևողություն	137 րոպե

Սյուժե

Ֆիլմը պատմում է ճանաչված ֆիզիկոս Արտյոմ Մանվելյանի նվաճումների ու նրա կողմից Հայաստանում տիեզերագիտական լաբորատորիայի հիմնադրման մասին։

1942 թվական։ Երկու ընկերներ՝ տաղանդավոր ֆիզիկոսներ, շարունակում են կատարել երկրի համար կարևոր աշխատանք։ Ռազմաճակատում զոհվում է Արտյոմի սիրելին՝ Լյուսյան։ Անցնում է ժամանակ, բայց նրա մասին հիշողությունը շարունակում է ապրել գիտնականի սրտում, ավելի ուժեղ է դառնում կորստի ցավը։

Դերերում

• Արմեն Ջիգարխանյան – Արտյոմ Մանվելյան
• Ռոլան Բիկով – Օլեգ Պոնոմարյով
• Նատալյա Ֆատեևա – Լյուսյա
• Մարգարիտա Տերեխովա – Տանյա
• Գալյա Նովենց – Նազի
• Լուչիանա Բաբեչկովա – Իրինա Պավլովնա
• Ֆրունզե Դովլաթյան – Զարյան
• Գեորգի Տուսուզով – Ահարոն Իզրայիլևիչ
• Յուլիանա Սևելա – Օլգա, Օլեգի կինը
• Ալեքսեյ Բախար – Տանյայի խորթ հայրը
• Նատաշա Վորոբյովա – Տանյան մանկության տարիներին

Նկարահանող անձնակազմ

• Բեմադրող ռեժիսոր՝ Ֆրունզե Դովլաթյան
• Սցենարի հեղինակ՝ Առնոլդ Աղաբաբով
• Օպերատոր՝ Ալբերտ Յավուրյան
• Երաժշտությունը՝ Մարտին Վարդազարյանի
• Ռեժիսոր՝ Ա․ Սամվելյան
• Նկարիչներ՝ Ռաֆայել Բաբայան, Հրայր Կարապետյան
• Հնչյունային օպերատոր՝ Էդուարդ Վանունց
• Դիրիժոր՝ Է․ Խաչատրյան
• Հագուստը՝ Գ․ Առաքելյանի
• Գրիմը՝ Վ․ Ասատրյանի
• Մոնտաժող՝ Գ․ Միլոսերդովա
• Երկրորդ օպերատոր՝ Լ․ Մալխասյան
• Ռեժիսորի օգնական՝ Ն․ Գևորգյան
• Օպերատորի օգնական՝ Ա․ Մդինարաձե
• Նկարչի օգնական՝ Միքայել Առաքելյան
• Խմբագիր՝ Պ․ Զեյթունցյան
• Ֆիլմի տնօրեն՝ Վ․ Բադալյան

Հետաքրքիր փաստեր

• Ֆիլմի սցենարը մասամբ հիմնված է Երևանի Ֆիզիկայի ինստիտուտի հիմնադիր, հայ մեծանուն ֆիզիկոս Արտեմ Ալիխանյանի կյանքի պատմության վրա։
• 1966 թվականին ֆիլմը կինոթատրոններում դիտել է 10 միլիոն հանդիսական։
• Ֆիլմը 1966 թվականին մասնակցել է Կաննի կինոփառատոնի մրցութային ծրագրին։
• Սա ռեժիսոր Ֆրունզե Դովլաթյանի առաջին ինքնուրույն ֆիլմն է։
• Ֆիլմում իրենց առաջին դերերն են խաղացել Գալյա Նովենցը և Մարգարիտա Տերեխովան։
• Պոնոմարյովների բնակարանում երեկույթի ժամանակ հնչում են «Over the Rainbow» և «Les feuilles mortes» երգերի թեմաներով ջազային իմպրովիզներով սկավառակներ։

Արտաքին հղումներ

• Բարև, ես եմ
• Ալբերտ Յավուրյանի օպերատորական աշխատանքը «Բարև ես եմ» կինոնկարում