Բազիսային միավոր
Բազիսային միավոր կամ բազիսային կետ (հաճախ անգլերենում հանդիպում է bp, և արտասանվում է «բիփ»[1]), մեկ տոկոսային միավորի հարյուրերորդ մասը[2][3]։
Սահմանում խմբագրել
- 1 բազիսային միավոր = 1 պերմիրիադ = մեկ հարյուրերորդ տոկոս
- 1 բմ = 1‱ = 0.01% = 0.1‰ = 10−4 = 1⁄10000 = 0.0001
- 1% = 100 բմ = 100‱
Բազիսային միավորը օգտագործվում է այն հաշվարկներում, որտեղ երկու միավորի տարբերությունը փոքր է 1%-ից։ Շատ հաճախ հանդիպում է տոկոսադրույքների հաշվարկներում, որտեղ տոկոսադրույնքների տարբերությունը 1%-ից քիչ է։ Օրինակ 0.10 տոկոս տարբերությունը նշանակում է 10 բազիսային միավորի փոփոխություն (օր. 4.67%-ից տոկոսադրույքը դարձել է 4.77%, նշանակում է ավելացել է 10 բազիսային միավորով կամ կետով)։ Մյուս կողմից 100 բազիսային միավորով աճը նշանակում է 1%-ով աճ։
Ներկայումս բազիսային միավոր հասկացությունը օգտագործվում է ֆինանսական գործիքի տոկոսադրույքի փոփոխությունը կամ երկու տոկոսադրույքների տարբերությունը (սպրեդ) ցույց տալու համար։
Քանի որ պարտավորությունները կամ պարտատոմսը կարող են ներառվել մեկ ընդհանուր ինդեքսի ներքո, դրանց փոփոխությունները տրվում է բազիսային միավորով։ Օրինակ, եթե պարտավորության եկամտաբերությունը տարեկան 0,50%-ով բարձր է Լոնդոնի միջբանկային առաջարկի տոկոսադրույքից (LIBOR), ասում են, որ 50 բազիսային միավոր մեծ է LIBOR-ից, կարճ գրում են "L+50bps" կամ "L+50":
Պերմիրիադ խմբագրել
Միավորի մեկ տասը հազարերորդ մասը 1⁄10,000 սովորաբար կոչում են պերմիրիադ։ Գործնականում մեկ բազիսային միավորը հավասար է մեկ պերմիրիադի, քանի որ մեկ բազիսային կետը տոկոսի մեկ հարյուրերորդ մասն է, իսկ մեկ տոկոսը մեկ միավորի մեկ հարյուրերորդ մասն է։
Տես նաև խմբագրել
- Տոկոսային կետ
- Տոկոս (%) 1/100 մաս
Ծանոթագրություններ խմբագրել
- ↑ Beep in Investopedia.
- ↑ «What is a basis point (BPS)?». Investopedia. Վերցված է 2010 թ․ մայիսի 21-ին.
- ↑ «Basis point». reference.com. Արխիվացված է օրիգինալից 2010 թ․ փետրվարի 21-ին. Վերցված է 2010 թ․ հուլիսի 4-ին.