Արևելյան գայլ

Արևելյան գայլ
Գիտական դասակարգում
Թագավորություն Կենդանիներ Տիպ Քորդավորներ Ենթատիպ Ողնաշարավորներ Դաս Կաթնասուններ Կարգ Գիշատիչներ Ընտանիք Շնազգիներ Ցեղ Գայլեր Տեսակ Արևելյան գայլ
Լատիներեն անվանում
Canis lupus lycaon
Արեալ
Դասակարգումը Վիքիցեղերում Պատկերներ Վիքիպահեստում

Արևելյան գայլը (լատին․՝ Canis lupus lycaon) գորշ գայլի տարատեսակ է, որը ապրում է Հյուսիսային Ամերիկայի արևելյան հավածում։ Այս տարատեսակը տարածաշրջանում հաստատվել է դեռ պլեիստոցենի դարաշրջանից։ Հայտնի են արևելյան գայլի և կոյոտների խառնուրդներ, որոնք հայտնի են կոյոտագայլ անվանմամբ։

Բնութագիր

Չափսերը

Արևելյան գայլը չափսերով ավելի փոքր է սովորական գորշ գայլից։ Ժամանակի ընթացքում կենդանիները խառնվել են իրար։ Համարվում է, որ կարմիր գայլը իր առանձնահատկություններով շատ նման է արևելյան գայլին։ Սակայն կարմիր գայլի ԴՆԹ անալիզները ցույց են տալիս, որ այն մոտ 80 տոկոսով կոյոտ է և մոտ 24 տոկոսով գորշ գայլ, իսկ արևելյան գայլը՝ 58 տոկոս գորշ գայլ և 42 կոտոս կոյոտ։ Անվտանգության նպատակներով սովորաբար գայլերի ոհմակները քշում են կոյոտներին, սակայն գրանցվել են շատ դեպքեր, երբ արու գայլելը բազմացման շրջանում զույգավորվել են էգ կոյոտների հետ։ Էգ գայլերը չեն զույգավորվում արու կոյոտների հետ, քանի որ այս վերջին կենդանին իր չափսերով բավական փոքր է։

Մորթին

Արևելյան գայլի մորթին համեմատաբար բաց է։ Այն ունի բաց մոխրագույն-շագանակագույն երանգ։ Ականջների ետևի մասը ունի կարմրավուն երանգ։ Մեջքը և կողքերը ունեն երկար, սև մազեր։ Կարող են հանդիպել նաև ավելի մուգ մորթի ունեցող գայլեր։

Սնունդը

Արևելյան գայլերը սնվում են տարբեր կենդանիներով՝ տարբեր տեսակի եղջրավորներ, կրծողներ և նույնիսկ փոքր մկներ։ Որոշ հատվածներում այս գայլերը կարող են մտնել նաև բնակելի տարածքներ։ Ձմռան ամիսներին այս գայլերը հիմնականում սնվում են սպիտակապոչ եղնիկներով։

Բնակության վայրը

Արևելյան գայլերը հիմնականում հանդիպում են կանադական Օնտարիո նախանգում, կարող են հանդիպել նաև Քվեբեքում։ Միացյալ Նահանգներում նրանք առկա են Միննեսոտա և Մանիտոբա նահանգներում։ Մինչև Ամերիկայի գաղութացումը եվրոպացիների կողմից, այս գայլերը առկա են համարյա ողջ Հյուսիսային Ամերիկայում, սակայն թիվը կտրուկ կրճատվել է, քանի որ նորեկները գայլերի մորթին օգտագործում էին առևտրական նպատակներով։

Պաշտպանությունը

Տարբեր պաշտպանական գործընթացներ են կիրառվել այս գայլերի թիվը շատացնելու և նրանց կյանքը ապահովելու համար։ Արևելյան գայլերը համարվում են վերացող ցեղատեսակ, սակայն շատերը այս փաստին համաձայն չեն դրա պատճառով այս գայլերին պաշտոնապես վերացող ցեղատեսակ հնարավոր չէ համարել։

Արտաքին հղումներ

• The Wolves of Algonquin Park PHVA Final Report, PDF includes the final recommendation on how to proceed with the Eastern Canadian Wolf.
• The Wolves of Algonquin Provincial Park ? A Report by the Algonquin Wolf Advisory Group PDF
• Status of the Eastern Wolf A PDF document outlining genetic research concerning the Eastern Canadian Wolf.

Վիքիցեղերն ունի նյութեր, որոնք վերաբերում են «Արևելյան գայլ» հոդվածին։

Վիքիպահեստն ունի նյութեր, որոնք վերաբերում են «Արևելյան գայլ» հոդվածին։