Արտավազդ Սարգսյան
քաղաքական գործիչ
Արտավազդ Արարատի Սարգսյան (նոյեմբերի 18, 1980, Երևան, Հայկական ԽՍՀ, ԽՍՀՄ), ՀՀ պետական և ՏԻՄ գործիչ, Աջափնյակ վարչական շրջանի ղեկավար։
| Արտավազդ Սարգսյան | |
|---|---|
| Ծնվել է | նոյեմբերի 18, 1980 (43 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Կրթություն | Հայաստանի ազգային ագրարային համալսարան |
| Մասնագիտություն | քաղաքական գործիչ |
| Կուսակցություն | Հայաստանի Հանրապետական կուսակցություն |
Կրթություն խմբագրել
- 1987-1997 թթ. - սովորել և ավարտել է Երևանի թիվ 185 դպրոցը։
- 1988-1993 թթ. - սովորել է Երևանի Սայաթ-Նովայի անվան երաժշտական դպրոցում։
- 1997-2001 թթ. - սովորել և ավարտել է Հայկական գյուղատնտեսական ակադեմիայի տնտեսագիտական ֆակուլտետը՝ տնտեսագետ-հաշվապահ-ֆինանսիստի որակավորմամբ, բակալավրի աստիճանով՝ «Հաշվապահական հաշվառում և աուդիտ» մասնագիտությամբ։
- 2001-2003 թթ. - սովորել և ավարտել է Հայկական գյուղատնտեսական ակադեմիայի մագիստրատուրան՝ տնտեսագետի որակավորմամբ, ստանալով մագիստրոսի աստիճան՝ «Հաշվապահական հաշվառում և աուդիտ» մասնագիտությամբ։
- 2003-2006 թթ. - սովորել և ավարտել է Հայաստանի Հանրապետության կառավարությանն առընթեր պետական գույքի կառավարման վարչության Կառավարման և տնտեսական բարեփոխումների ինստիտուտի ասպիրանտուրան։ Տնտեսագիտության թեկնածու։ Մի շարք գիտական հոդվածների հեղինակ է։ Բազմիցս մասնակցել է գիտաժողովների, սեմինարների և համաժողովների, հանդես եկել զեկույցներով փոքր և միջին բիզնեսի, տեղական ինքնակառավարման մարմինների, համայնքների զարգացման և հարկային համակարգի կառավարման վերաբերյալ։
- Վերապատրաստվել է Ճապոնիայում, Իտալիայում, Բուլղարիայում, Շվեդիայում, Գերմանիայում, Հունաստանում, Ավստրիայում։
Աշխատանքային գործունեությունը խմբագրել
- 2005-2010 թթ. - աշխատել է «Հայաստանի փոքր և միջին ձեռնարկատիրության զարգացման ազգային կենտրոն» հիմնադրամում՝ որպես ֆինանսական աջակցության ծրագրերի պատասխանատու, որակի կառավարող, գործադիր տնօրենի խորհրդական, ապա՝ գործադիր տնօրենի տեղակալ։
- 2005 թ. ընտրվել է Աջափնյակ համայնքի ավագանու անդամ։
- 2009 թ. մայիսի 31-ին ընտրվել է Երևանի ավագանու անդամ, եղել է Երևան քաղաքի ավագանու ֆինանսավարկային և տնտեսական հարցերի մշտական հանձնաժողովի անդամ։
- 2010-2011 թթ. - «Էյ- Ի-Ջի Սերվիս» ընկերության փոխտնօրեն, ապա՝ տնօրենի առաջին տեղակալ։
- 2011 թ. օգոստոսի 18-ին ՀՀ վարչապետի որոշմամբ նշանակվել է Հայաստանի Հանրապետության կառավարությանն առընթեր պետական գույքի կառավարման վարչության պետի տեղակալ[1]։
- 2011 թվականից Երևանի Գևորգ Չաուշի անվան թիվ 188 հիմնական դպրոցի կոլեգիալ կառավարման մարմնի խորհրդի նախագահն է։
- 2011 թվականից Երկրապահ կամավորականների միության Աջափնյակի տարածքային ստորաբաժանման խորհրդի անդամ է։
- 2011 թվականից Կուրորտաբանության և ֆիզիկական բժշկության գիտահետազոտական ինստիտուտի գիտական խորհրդի անդամ է։
- 2012 թ. մայիսի 25-ին Երևանի քաղաքապետի որոշմամբ նշանակվել է Երևանի Աջափնյակ վարչական շրջանի ղեկավար։
Պարգևներ խմբագրել
- Երևանի Աջափնյակ համայնքի ավագանու պատվոգիր (2009)։
- ԵԿՄ պատվոգիր (2010)։
- ԵԿՄ հուշամեդալ (2011)։
- ՀՀ ՊՆ «ՀՀ Զինված ուժերի 20 տարի» հոբելյանական մեդալ (2011)։
- ԵԿՄ «5-րդ բրիգադ 20 տարի» հոբելյանական մեդալ (2012)։
- ԵԿՄ «ԵԿՄ 20 տարի» հոբելյանական մեդալ (2013)։
- ԼՂՀ «Մայրական երախտագիտություն» հուշամեդալ (2013)։
Ամուսնացած է։ Հայաստանի հանրապետական կուսակցության խորհրդի անդամ է։
Ծանոթագրություններ խմբագրել
- ↑ «Ա. ՍԱՐԳՍՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ ՎԱՐՉՈՒԹՅԱՆ ՊԵՏԻ ՏԵՂԱԿԱԼ ՆՇԱՆԱԿԵԼՈՒ ՄԱՍԻՆ». Արխիվացված է օրիգինալից 2019 թ․ ապրիլի 21-ին. Վերցված է 2016 թ․ հունվարի 1-ին.