Արմեն Վարդապետյան
Անվան այլ կիրառումների համար տե՛ս՝ Արմեն Վարդապետյան (այլ կիրառումներ)
Արմեն Ղազարի Վարդապետյան (հունվարի 15, 1955, Երևան, Հայկական ԽՍՀ, ԽՍՀՄ), հայ իրավաբան, Երևան քաղաքի Ավան և Նոր Նորք վարչական շրջանների ընդհանուր իրավասության առաջին ատյանի դատարանի դատավոր։
| Արմեն Վարդապետյան | |
|---|---|
| Ծնվել է | հունվարի 15, 1955 (69 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | ԵՊՀ իրավաբանական ֆակուլտետ |
Կրթություն խմբագրել
- 1972-1977 թթ. սովորել և ավարտել է ԵՊՀ իրավաբանական ֆակուլտետը։
Աշխատանքային գործունեությունը խմբագրել
- 1978-1979 թթ. - «Երևանվիտամին» արտադրական միավորման իրավախորհրդատու։
- 1979-1984 թթ. - ՀԼԿԵՄ Լենինյան շրջկոմի «Երևանվիտամին» արտադրական միավորման ԼԿԵՄ կոմիտեիի ազատված քարտուղար։
- 1984-1988 թթ. - ՀԿԿ Լենինյան շրջկոմի հրահանգիչ, այնուհետև՝ բաժնի վարիչի տեղակալ
- 1988-1990 թթ. - Հայաստանի կոմունիստական կուսակցության Երևանի քաղկոմի հրահանգիչ։
- 1991-1996 թթ. - ՀՀ արդարադատության նախարարության դատական մարմինների վարչության գլխավոր մասնագետ։
- 1996-1999 թթ. - Էջմիածնի շրջանի ժողովրդական դատարանի նախագահ։
- 1999-2007 թթ. - ՀՀ զինվորական դատախազության բաժնի դատախազ, թիվ 1 կայազորի զինվորական դատախազ, ապա՝ Երևանի կայազորի զինվորական դատախազի տեղակալ։
- 2007-2010 թթ. - ՀՀ ՊՆ քննչական ծառայության Երևանի կայազորի քննչական բաժնի պետ։
- 2010 թ. փետրվարի 27-ին ՀՀ Նախագահի հրամանագրով նշանակվել է Երևան քաղաքի Ավան և Նոր Նորք վարչական շրջանների ընդհանուր իրավասության առաջին ատյանի դատարանի դատավոր[1]։