Արմեն Գրիգորյան (ռոք երաժիշտ)
Այս հոդվածը ռոք երաժիշտ մասին է։ Այլ գործածությունների համար այցելեք Արմեն Գրիգորյան (այլ կիրառումներ)։
Արմեն Սերգեյի Գրիգորյան (նոյեմբերի 24, 1960, Մոսկվա, ԽՍՀՄ), մոսկովյան «Կրեմատորի» ռոք-խմբի հիմնադիր, ղեկավար և երգերի հեղինակ։
| Արմեն Գրիգորյան | |
|---|---|
.jpg) | |
| Հիմնական տվյալներ | |
| Նաև հայտնի է որպես | Папа-Шляпа և Отец-героин |
| Ծնվել է | նոյեմբերի 24, 1960 (63 տարեկան), Մոսկվա ՌուսաստանՄոսկվա, ԽՍՀՄ |
| Երկիր | Ռուսաստան և  ԽՍՀՄ |
| Ժանրեր | ռոք |
| Մասնագիտություն | երգիչ, կոմպոզիտոր, բանաստեղծ, կիթառահար, վոկալիստ և նկարիչ |
| Գործիքներ | կիթառ և վոկալ |
| Գործունեություն | 1974–ներկա |
| Լեյբլ | Մելոդիա, Սոյուզ, Մորոզ Ռեքորդս, Նիկիտին |
| Կրթություն | Մոսկվայի ավիացիոն ինստիտուտ |
| Կապված | Կրեմատորի |
| Կայք | crematorium.ru |
 Armen Grigoryan Վիքիպահեստում | |
Կենսագրություն խմբագրել
Ծնվել է 1960 թ. Մոսկվայում, հայ ծնողների՝ Սերգեյ և Աիդա Գրիգորյանների ընտանիքում։ 1983 թվականին հիմնել է Կրեմատորի (ռուս.- դիակիզարան) դուետը, հանդես եկել ընդհատակյա համերգներով և ճանաչում ձեռք բերել մոսկովյան ռոք-շրջանակներում, իսկ երրորդ /«Մտացածին աշխարհ»/ ալբոմի թողարկումից հետո՝ նաև ԽՍՀՄ ողջ տարածքում։ 1980-ականների վերջին Գրիգորյանը հավաքում է «Կրեմատորիի» ընդլայնված կազմը, ներառում էլեկտրական գործիքներ։ Խումբն իրականացնում է մի շարք հետաքրքիր պրոեկտներ, ձայնագրում «Դվոյնոյ ալբոմը»։ 1990-ականներին խումբը ակտիվորեն շրջագայում է Ռուսաստանի և աշխարհի բազմաթիվ քաղաքներում, 1996 թվականին հանդես գալիս Երևանի «Գաուդեամուս» ռոք-փառատոնում։ Խումբը լավ ընդունելության է արժանանում և ունկնդիրների, և քննադատների կողմից։
Գրիգորյանը համարվում է ռուսական ռոքի «հայրերից» մեկը, բարձր է գնահատվում նաև «Կրեմատորիի» որպես մինչգորբաչովյան ընդհատակյա ռոք-երաժշտության ներկայացուցչի ավանդը։ Գրիգորյանը համարվում է ռուսական ռոքի լավագույն բանաստեղծներից մեկը. նրա տեքստերն բազմաշերտ են, դրանցում հաճախ միախառնվում են իրականն ու անիրականը, հատուկ տեղ է հատկացվում անդրշիրիմյան կյանքի և կրոնի հարցերին։ Խմբի երաժշտությունը ներառում է տարբեր ժանրեր՝ վալսից մինչև ծանր ռոք և հայկական ժողովրդական երաժշտություն /հանրահայտ «Տգեղ Էլզա» երգում հնչում է հայկական քոչարին/: Երաժշտությանն հատուկ հնչեղություն է հաղորդում Վյաչեսլավ Բուխարովի ջութակը։ Վերջին տարիներին Գրիգորյանը փորձում է գտնել նոր արտահայտչամիջոցներ, «Կրեմատորիին» զուգահեռ ստեղծել է «Տրետի Անգել» էլեկտրոնային խումբը, գրում է կինոերաժշտություն, զբաղվում է նկարչությամբ։ Գործում է «Կրեմացիայի և արմրեսլինգի բարեկամների ընկերություն» համաշխարհային ֆան-ակումբը։
Գրիգորյանի ստեղծած հիթերից են «Աղբոտ քամի», «Փոքրիկ աղջնակ», «Տանյա», «Կոնդրատի», «Վերջին շանս», «Կատմանդու» /հնչում է «Բռատ» ֆիլմում/, «Ուրախ համույթ» և այլն։
Իր երգերում և հարցազրույցներում Գրիգորյանը մեծ տեղ է հատկացնում հայկական թեմային, դեռ 1986 թ. գրել է Հայոց ցեղասպանության պատկերները ներկայացնող «Սեբաստիա» երգը, որը խորհրդային տարիներին արգելվել է.
Գերեզմանների փոշուց ու հոտից
Հառնեցին արնոտ աթիլլաներն
Այդ օրը սև …
Փայլող քաղաքը, իմ Էլդորադոն,
Նրանք դժոխքի վերածեցին,
Այն հալվեց տեսիլքի պես…
Հանդես է գալիս նաև որպես նկարիչ և հասարակական գործիչ, մի շարք ճարտարապետական նախագծերի հեղինակ է[1]։
Ծանոթագրություններ խմբագրել
Արտաքին հղումներ խմբագրել
- Ռոք երաժշտություն. Արմեն Գրիգորյանի երգերը՝ վեց լեզուներով
- Ռոքը Հայաստանում և Հայերը ռոք երաժշտության մեջ
- Զվարթ երաժշտություն… ,,Դիակիզարան,,ից. Աշոտ Գրիգորյան, Օրեր ամսագիր, 17 դեկտեմբերի, 2018 Արխիվացված 2018-12-18 Wayback Machine
 | Վիքիպահեստն ունի նյութեր, որոնք վերաբերում են «Արմեն Գրիգորյան (ռոք երաժիշտ)» հոդվածին։ |