Արծաթե օր
Աշոտ Ավդալյանի երկրորդ բանաստեղծական ժողովածուն։ Ժողովածուն տպագրության է հանձնվել 1981 թ., սակայն լույս է տեսել միայն 1984։ Ժողովածուն կազմված է երեք բանաստեղծական շարքերից՝ «Առավոտ», «Որմնանկար» և «Խմբերգ»։ Մեկ օրվա մեջ տեսնել կյանքը, մեկ օրվա մեջ խտացնել կյանքի գեղագիտական ընկալումները և այդ դիտակետից քննել ժողովրդի ապրելակերպը, ծեսերն ու ավանդույթները, ազգային նկարագիրը, անցյալի ու ներկայի աղերսները։ Եվ բանաստեղծել օրվա մասին ըստ մարդու և ժամանակի ընթացքի տարբերիչ առանձնահատկությունների, որոնք տվյալ դեպքում կազմում են Առավոտը, Որմնանկարը և Խմբերգը՝ սիմվոլիկ այն ընկալումները, որ բնորոշ են նկարչական-պատկերային մտածողությանը։ Այդ Ամենն էլ թելադրում է լեզվական արտահայտչական որոնումներ և փորձեր՝ հարազատ մնալու առաջադրվող գեղագիտական խնդիրներին[1]։
Արծաթե օր | |
|---|---|
 | |
| Հեղինակ | Աշոտ Ավդալյան |
| Տեսակ | գրական ստեղծագործություն |
| Ժանր | բանաստեղծական ժողովածու |
| Բնօրինակ լեզու | հայերեն |
| Հրատարակիչ | Սովետական գրող |
| Հրատարակման տարեթիվ | 1984 |
Ծանոթագրություններ խմբագրել
- ↑ Աշոտ Ավդալյան, Արծաթե օր, Երևան, Սովետական գրող, 1984։
|
Սա գրքի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |