Արիստակես Զորյան

Վիքիպեդիայում կան հոդվածներ Զորյան ազգանունով այլ մարդկանց մասին։

Արիստակես Զորյան (1871, Ցղնա - 1897, Խանասոր), հայ ազգային-ազատագրական պայքարի մարտիկ։

Արիստակես Զորյան Արիստակես Զորյան
Ծնվել է	1871
Ծննդավայր	Ցղնա
Մահացել է	1897
Մահվան վայր	Խանասոր
Ազգություն	հայ
Մասնագիտություն	ֆիդայի

Կենսագրություն

Արիստակես Զորյանը ծնվել է Գողթնի Ցղնա ավանում` 1871 թվականին։ Արիստակես Զորյանի հեղափոխական անունը եղել է Կարո։ Արիստակես Զորյանը ֆիդայի Ստեփան Զորյանի կրտսեր եղբայրն է։  Զոհվել է 1897 թվականի հուլիսին, Խանասորի ճակատամարտում։

Գործունեություն

Արիստակես Զորյանը գործունեություն է ծավալել Պարսկաստանում, Թիֆլիսում։ Թիֆլիսում զինագործի արհեստը սովորելուց հետո՝ Դաշնակցության մարտիկներին մատակարարել է զենք և զինամթերք։ Արիստակես Զորյանը մասնակցել է մի շարք բնակավայրերի պաշտպանությանը։

Կերպարը արվեստում

Կա նրան նվիրված երգ․

«Ագուլիսի քաջ պատանի,
Մահվան լուրդ ո՞վ կտանի,
Քեզ պեսներին բյուր երանի,
Դուք եք հույսը Հայաստանի։

Խունկ ու մոմով գամ Խանասոր,
Արցունք թափեմ ես ամեն օր,
Քեզ տեսնելով մնացի մոլոր,
Նստած կուլամ միշտ սգավոր։

Արտասունքս հեղեղ դարձավ,
Պայծառ օրս խավարեցավ,
Դաշտ ու ձորեր արյուն դարձավ,
Խանի պես քաջը զոհվեցավ։

Երեք հարյուր հայ քաջերով՝
Բոլոր զինված մոսիներով,
Շերիֆ բեկին մեծ ջարդ տալով՝
Կարոն ընկավ վրեժ կազմելով»։