Արթուր Հակոբյան (նկարիչ)
- Վիքիպեդիայում կան հոդվածներ Հակոբյան ազգանունով այլ մարդկանց մասին։
Արթուր Հակոբյան (լատիշ․՝ Arturs Akopjans, հոկտեմբերի 31, 1969, Բաթում, Վրացական ԽՍՀ, ԽՍՀՄ[1]), լատվիահայ նկարիչ։
Արթուր Հակոբյան | |
---|---|
Ի ծնե | Արթուր Հակոբյան |
Ծնվել է | հոկտեմբերի 31, 1969 (54 տարեկան) |
Ծննդավայր | Բաթում, Վրացական ԽՍՀ, ԽՍՀՄ[1] |
Ազգություն | հայ |
Կրթություն | Լատվիայի գեղարվեստի ակադեմիա |
Մասնագիտություն | նկարիչ |
Ոճ | աբստրակցիոնիզմ և ֆիգուրատիվիզմ |
Կենսագրություն խմբագրել
Հակոբյանը նկարչությամբ սկսել է զբաղվել 6 տարեկանից[2]։ Սովորել է Փանոս Թերլեմեզյանի անվան գեղարվեստի պետական ուսումնարանում, այնուհետև (1996) ավարտել է Լատվիայի Գեղարվեստի ակադեմիայի նկարչության բաժինը։ 1989 թվականին Երևանից տեղափոխվել է Ռիգա։ 2000 թվականից բազմաթիվ անհատական ցուցահանդեսներ է ունեցել Լատվիայում, Ավստրիայում և Դանիայում։ 2005 թվականին Հակոբյանը մասնակցել է Ռիգայի հեղինակավոր «Արսենալ» ցուցասրահում բացված 2 ցուցահանդեսների։ 2012 թվականին Հակոբյանի անհատական ցուցահանդեսները երեք երկրներում ՝ Ռուսաստանում, Ավստրիայում և Դանիայում, նրան միջազգային ճանաչում բերեցին[3]։ Հակոբյանի հիմնական արտահայտչամիջոցը գույնն է և վերացական պատկերները։ «Բնությունից տրված գույնի և խառնվածքի բացարձակ զգացումը թույլ է տալիս նկարչին տիրապետել և փորձարկել դրանք», - գրում է «ԴԵԼՖԻ» պորտալը[4]։ Ըստ Հակոբյանի, «ամեն ինչ ընդունելի է, երբ խոսքը վերաբերում է արվեստին»։ Նա չի հարում կոնկրետ կոնցեպտի, այլ արտացոլում է «պահի, տրամադրության և մտքերի իր զգացական ընկալումը»[5]։ 2000 թվականին նրա աշխատանքը լավագույնն է ճանաչվել «Ռիգան ժամանակակից արվեստում» մրցույթում արժանանալով Ռիգայի քաղաքային խորհրդի պարգևին։ Խմբակային ցուցահանդեսների է մասնակցել Լատվիայում, Լիտվայում, Դանիայում, Բելգիայում, Ռուսաստանում։
Ծանոթագրություններ խմբագրել
- ↑ 1,0 1,1 1,2 Արթուր Հակոբյան
- ↑ Arturs Akopjans at Art Galaxie
- ↑ Artūrs Akopjans. Mirāža, Diena, 2013
- ↑ Agijas Sūnas galerija iesāk vasaru ar Artura Akopjana gleznām, DELFI, 2010
- ↑ «Akopjans at Bastejs Gallery». Արխիվացված է օրիգինալից 2020 թ․ փետրվարի 17-ին. Վերցված է 2020 թ․ փետրվարի 21-ին.
Գրականություն խմբագրել
- Ашот Григорян, Дорога в Латвию, издательство Эдитус, Москва, 2022, 110 с., стр. 77-79, ISBN 978-50-014-9797-4.