Արամ Օրբելյան

Արամ Սմբատի Օրբելյան (հունիսի 23, 1983(1983-06-23), Կապան, Հայկական ԽՍՀ, ԽՍՀՄ), ՀՀ պետական գործիչ, իրավաբանական գիտությունների թեկնածու, ՀՀ Արդարադատության նախարարի նախկին տեղակալ (2011-2014 թթ.)։

Կրթություն

• 2000-2005 թթ. - սովորել և ավարտել է Մոսկվայի միջազգային հարաբերությունների պետական ինստիտուտի (МГИМО) միջազգային իրավունքի ֆակուլտետը՝ ստանալով իրավագիտության բակալավրի (2004 թ.), ապա՝ օտար լեզուների իմացությամբ իրավաբանի (դիպլոմավորված մասնագետի) (2005 թ.) աստիճան։
• Իրավաբանական գիտությունների թեկնածու (2008 թ.)։
• 2009 թ. մասնակցել է Միջազգային համագործակցության գերմանական ընկերության (GIZ) և Հարթի կառավարման դպրոցի «Իրավական երկխոսություն իրավական տրանսֆորմացիայի համար» ձմեռային ակադեմիային։

Աշխատանքային գործունեություն

• 2006-2007 թթ. - աշխատել է Կարմիր խաչի միջազգային կոմիտեի (ԿԽՄԿ) Մոսկվայի տարածաշրջանային պատվիրակությունում որպես տարածաշրջանային ավագ իրավախորհրդատուի օգնական, այնուհետև՝ իրավախորհրդատու։
• 2009-2011 թթ. - աշխատել է Կոնցեռն-Դիալոգ փաստաբանական գրասենյակում որպես ավագ իրավաբան, ապա՝ տնօրենի տեղակալ։
• 2007 թվականից դասավանդում է ՀՀ փաստաբանական դպրոցում, Հայ-Ռուսական (Սլավոնական) Համալսարանում, Հայաստանում Ֆրանսիական համալսարանում, ՀՀ Արդարադատության ակադեմիայում։
• 2011 թ. հունվարի 20-ին ՀՀ վարչապետի որոշմամբ նշանակվել է Հայաստանի Հանրապետության արդարադատության նախարարի տեղակալ։
• 2014 թ. մայիսի 8-ին ՀՀ վարչապետի որոշմամբ ազատվել է Հայաստանի Հանրապետության արդարադատության նախարարի տեղակալի պաշտոնից՝ իր դիմումի համաձայն։

Հասարակական գործունեություն

• Ռուսաստանի Միջազգային իրավունքի ասոցիացիայի անդամ (2008 թվականից)
• ՀՀ Փաստաբանների պալատի անդամ (2009 թվականից)
• «Միջազգային և համեմատական իրավունքի կենտրոն» ՀԿ հիմնադիր-անդամ (2010 թվականից)
• Համաշխարհային բանկի ներդրումային վեճերի լուծման միջազգային կենտրոնի (ICSID) արբիտր (2013 թվականից)
• Միջազգային իրավունքի բելառուսական տարեգրքի միջազգային խմբագրական խորհրդի անդամ (2015 թ.)։

Նախորդող Նիկոլայ Առուստամյան

ՀՀ Արդարադատության նախարարի տեղակալ Արամ Օրբելյան 2011-2014

Հաջորդող Վիգեն Քոչարյան